Нуркач загина во спасувачки обид во пештерата во Тајланд | Панорама | DW | 06.07.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

Нуркач загина во спасувачки обид во пештерата во Тајланд

Подготовките за спас на момчињата во поплавената пештера во Тајланд течат со полна пареа, а притоа загина еден нуркач.

Во обидите за извлекување на дванаесетте момчиња, заглавени во пештера со нивниот тренер, загина нуркач - поранешен припадник на тајландската специјална единица Нејви силс. Властите соопштија дека нуркачот загинал додека работел како волонтер за поставување боци со кислород на потенцијалниот пат за бегство на момчињата. Ветеранот-нуркач Саман Кунан на враќање назад се онесвестил и загинал поради недостиг од кислород.

повеќе: 

Телефонска линија до момчињата во пештерата во Тајланд

Ова е прв несреќен случај во напорите да се извлечат децата. Спасувачкиот тим е во трка со времето да ги ослободи момчињата пред да пристигне нова бура. Временскиот прозорец веќе е ограничен, мислевме дека децата ќе можат да останат во пештерата подолго време, но работите се променија, изјави командантот на тајландската воена морнарица, Апакорн Јоконгкаев.

Момчињата на возраст меѓу 11 и 16 години, членови на младински фудбалски клуб и нивниот тренер од 23. јуни се заглавени во пештерата, откако надојдената вода им го отсекла патот за излез од неа. Децата поради поплавата навлегувале сѐ подлабоко во пештерата, а британски спасувачки нуркачки тим ги пронајде на три километри од главниот влез, во понеделникот вечерта. Силните врнежи од дожд ја отежнуваат работата на спасувачите. За спасувачката акција постојат повеќе сценарија. Според едно, тие треба да испливаат со придружба од поплавениот дел, а друго предвидува бушење отвор во сводот на пештерата и извлекување на децата. Властите ја фаворизираат втората варијанта. Во меѓувреме децата се обучуваат за нуркање. Во медиумите се дискутира и можноста пештерата да се испразни целосно од вода со помош на пумпи, што ќе овозможи децата да излезат пеш. Но, со оглед на огромните водени маси, ова решение се чини најневеројатно.

 

DW.COM

Реклама