Нов ковид-рекорд: преку 100.000 новозаразени во Германија | Информации и анализи за Германија | DW | 19.01.2022
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Германија

Нов ковид-рекорд: преку 100.000 новозаразени во Германија

Бројот на дневни нови инфекции со корона во Германија изнесува 112.323, инциденцата се искачи на 584,4. Министерот за здравство Карл Лаутербах очекува олабавување на ситуацијата дури кон крајот на февруари.

Првпат досега во Германија во рок од 24 часа се официјално регистрирани повеќе од 100.000 новозаразени лиѓе со коронавирус. Роберт Кох Институтот соопшти дека бројот на новоинфицирани изнесува 112.323 лица.

Сокузниот министер за здравство Карл Лаутербах смета дека пикот на Омикрон бранот во Германија ќе биде во средината на февруари. Седумдневната инциденца се искачи во меѓувреме на 584,4, пред една недела беше 407,5.

Според министерот Лаутербах, официјалните бројки од Институтот Роберт Кох сѐуште не ги отсликуваат реалните размери на инфекцијата во земјата, фактичката инциденца веројатно е двапати повисока.

Гледај видео 02:05

Германските болници се полнат - исцрпувачка битка против Ковид-19

Ќе се постигне ли колективен имунитет?

Без оглед на повторените апели за вакцинирање заради избегнување нов корона бран наесен, министерот за здравство го споделува ставот на повеќе експерти, меѓу кои и берлинскиот виролог Кристијан Дростен, дека кога и да е, секој граѓанин ќе се инфицира. Сепак, тоа не значи дека вакцината е непотребна, уште не постои колективен имунитет, посебно кај старите и заболените, предупреди Лаутербах, инсистирајќи на скоро носење одлука во Бундестагот за воведување задолжителна имунизација.

Бундестагот во јануари ќе се зафати со темата обврзувачка имунизација во рамките на т.н. ориентирачка дебата, за конкретни предлози би се дискутирало во февруари или март.

Во Германија во моментов против Ковид-19 целосно се вакцинирани 72,8 проценти од населението, 47,6 проценти имаат примено и трета доза вакцина.

Од почеткот на пандемијата, Институтот Роберт Кох регистрирал преку осум милиони случаи на коронавирус, вкупниот број на починати се зголеми на 116.081, а околу седум милиони луѓе се излекувале од инфекцијата.