На Берлин му падна камен од срцето по победата на Макрон | Свет | DW | 08.05.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

На Берлин му падна камен од срцето по победата на Макрон

Меркел, Габриел, Шулц: сите се радуваат на победата на Макрон, а првенствено Социјалдемократите, Зелените и Левицата бараат промена на германската политика кон соседот.

Олеснување! Ако постои еден збор кој би можел да ги сублимира реакциите во Германија по исходот од изборите во Франција,тогаш тоа е овој. Емануел Макрон е проевропски настроен и сака натамошна тесна соработка со Германија. Неговата противкандидатка Марин Ле Пен има сосем спротивни желби. Кратко по извесноста на изборната победа, канцеларката Ангела Меркел телефонираше со новиот прв човек во Париз. Разговорот бил многу срдечен, се вели од Франција, а портпаролот на германската влада Штефен Зајберт изјави: „Канцеларката се радува на идната доверлива соработка со новиот претседател, во духот на традиционално блиското германско-француско пријателство.“ Канцеларката, дополни Зајберт, го цени залагањето на Макрон во текот на изборната кампања за обединета и отворена ЕУ.Се споменува дека Макрон меѓу своите први посети во странство, го планира Берлин.

Задоволство од изборната победа на Макрон изрази и германската министерка за одбрана, Урсула фон дер Лајен. Во телевизиска дебатна емисија на Првата програма на јавниот сервис АРД, таа изјави: „Ова е добар пример како се добиваат избори со темата Европа. Ние како Европејци можеме да научиме нешто од ова.“ Присутна е воздржана надеж дека десниот популизам во Европа веќе го надмина својот зенит.

Deutschland Emmanuel Macron trifft Angela Merkel in Berlin (Getty Images/AFP/J. MacDougall)

Макрон беше во Берлин кај Меркел во март оваа година

Габриел: Да ѝ се помогне на Франција

Германскиот министер за надворешни работи Зигмар Габриел исто така чувствува олеснување, но очекува и поинаква политика кон Париз: „Макрон сака првенствено рефомирање на Франција и нејзино враќање на сцената како втора економска и социјална сила, за што поседува и добра програма. Но, тоа ќе биде предизвик и за Германија.“ 

Како најбогата и економски најсилна ЕУ-држава, Германија сега треба да го поддржи Париз, истакнува Габриел: „Не можеме да продолжиме како и досега, во основа, настапувавме одбивачки кон Франција кога стануваше збор за инвестирање во развој и работни места. Макрон и за нас ќе биде посилен партнер.“ Во оваа изјава може да се прочита благо откажување од тврдата политика на штедење и буџетски рестрикции во рамките на ЕУ, политика за која првенствено се залага канцеларката. Откако Франција повторно има стабилно водство, мора да му се излезе во пресрет на новиот челник во Париз, сметаат во СПД, слично се изјасни и лидерот на партијата и канцеларски кандидат, Мартин Шулц: „Сега заеднички, да ја направиме Европа подобра!“

Deutschland Emmanuel Macron trifft Sigmar Gabriel in Berlin (Getty Images/M. Tantussi)

Емануел Макрон и Зигмар Габриел

Зелените и Левицата: Огромни задачи пред Макрон

Партијата на Зелените смета дека новиот француски претседател е исправен пред мамутски задачи. Тој мора да ја врати довербата во политиката, „во спротивно, во време на неговиот мандат се заканува натамошно јакнење на Националниот фронт“, истакнуваат првите луѓе на партијата, Катрин Геринг-Екарт и Чем Оздемир.

Левицата во прв ред го поздравува поразот на деснопопулистичката кандидатка Ле Пен. „Но, бројните гласачи на Ле Пен се натамошен аларм за Европа“, изјавија шефовите на пратеничката група на Левицата во Бундестагот, Дитмар Барч и Сара Вагенкнехт, предупредувајќи: „Досегашната несоцијална политика води кон уништување на Европа. И планираните од Макрон социјални и резови во работничките права, во иднина уште повеќе ќе ја зајакнат Марин ле Пен.“ 

DW.COM

Реклама