На БЕГ ќе ѝ бидат одземени и останатите две лиценци | Северна Македонија | DW | 27.06.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

На БЕГ ќе ѝ бидат одземени и останатите две лиценци

Се очекува Регулаторната комисија за енергетика денеска да ѝ ги одземе на Балкан енерџи и лиценците за дистрибуција и снабдување, откако минатата недела компанијата ја загуби лиценцата за парно греење во Скопје.

Регулаторната комисија за енергетика (РКЕ) денеска на главна седница се очекува да ѝ ги одземе и остатите две лиценци на Балкан енерџи (БЕГ) - за дистрибуција и снабдување, откако минатата недела компанијата ја зaгуби лиценцата за парно греење во Скопје. Портпаролката на РКЕ, Марина Узунов за ДВ потврдува дека овие две точки се на дневен ред на денешната главна седница на регулаторното тело.

Ваквиот чекор се презема откако беше побаран престанок на важење на лиценцата поради неможноста за понатамошно нормално функционирање, кредитна неспособност на БЕГ и неможност да ги обезбедат потребните финансиски средства за продолжување на работата во новата грејна сезона. 

Топката се префрла кон ЕСМ 

По ваквата одлука, Владата заедно со Министерството за економија, ќе треба да организира јавен повик за избор на нов оператор за производство на топлинска енергија. Надлежните уверуваат дека скопјани нема да имаат последици од одлуката и дека ќе се најде решение за проблемот пред почетокот на грејната сезона. 

Со оглед на тоа дека  Град Скопје не сака да ја преземе обврската за затоплување на градот, министерот за економија Крешник Бектеши најави дека лиценцата на БЕГ ќе оди на тендер, а доколку не се јави ниту една приватна компанија, управувањето со производството на топлинска енергија ќе го преземе ЕСМ. И првиот човек на Регулаторната комисија, Марко Бислимоски смета дека оваа дејност треба да ја врши една компанија и да биде интегрирано во една лиценца.

„Имајќи ги предвид искуствата на други градови од бивша Југославија, оваа дејност ја вршат компании во државна сопственост или во сопственост на општините и градовите, како Љубљана, Белград, Нови Сад, Сараево… Ако ме прашувате мене лично, оваа дејност треба да ја врши компанија во државна сопственост, затоа што Градот Скопје не покажа интерес да се бави со оваа дејност“, изјави минатата недела Бислимоски. 

DW.COM