Национална жалост поради жртвите во пожарите во Португалија | Свет | DW | 17.10.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Национална жалост поради жртвите во пожарите во Португалија

Шумски пожари пустошат во Португалија. Бројот на загинати се искачи на 36. А, земјата сѐ уште нема вистински заздравено од најсмртоносните пожари во нејзината историја, во кои во јуни годинава загинаа 64 лица.

Португалија од денеска прогласи тридневна жалост по смртта на најмалку 36 лица во шумските пожари во кои загинаа и три лица во соседна Шпанија. Околу 3.600 пожарникари во текот на изминатата ноќ се бореа да ги угаснат останатите 50 пожари. Седум лица се водат како исчезнати. Повредени се најмалку 63 цивили и пожарникари, а 16 од нив се во критична состојба.

Шумските пожари ги опустошија португалските области: Коимбра, Кастело Бранко, Вижеу и Авеиро, како и шпанската област Галиција. Противпожарните авиони не можеа да бидат испратени на поголемиот број места зафатени од огнената стихија поради облаците од чад кои ја намалија видливоста.

Владата на Португалија побара меѓународна помош и прогласи вонредна состојба на територијата северно од реката Тажо, што е околу половина од копнената површина на земјата.

Пожарите дополнително ги разгоре силниот ветер кој го следеше ураганот Офелија на Атлантскиот океан.

Официјалните претставници во Португалија и во Шпанија сметаат дека некои од пожарите се подметнати.

Португалија најсмртоносните пожари ги имаше на 17 јуни годинава кога во областа Педрогао Гранде настрадаа 64, а повредени беа 250 лица.

Гледај видео 00:58

Смртоносно инферно во Португалија

DW.COM

Аудио и видео прилози на оваа тема

Реклама