Насилни протести во Холандија поради анти-Ковид рестрикциите | Свет | DW | 25.01.2021

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Насилни протести во Холандија поради анти-Ковид рестрикциите

Во повеќе холандски градови дојде до насилни протести против полицискиот час, воведен како анти-корона мерка, уапсени се преку 200 лица.

Заострените мерки за сузбивање на коронавирусот во повеќе холандски градови предизвикаа безредија. Кратко пред почетокот на полицискиот час во 21 часот во неделата, според полицијаата, дошло до немири во десетина градови.

Во Холандија ова е првпат да се воведува полициски час по Втората светска војна. Ограничувањето на движењето останува во сила до 9 февруари и е воведено со цел да помогне во спречување на ширењето на посебно заразната мутирана варијанта на вирусот, која се појави прво во Велика Британија. Од 21 часот до 4 часот и 30 минути граѓаните во Холандија треба да останат во своите домови, за непочитување на мерката следуваат казни од 95 евра.

Во Ајндховен и Ден Хаг се ограбени продавници и подметнати пожари. Во Ајндховен полицијата со солзавец ги растерала стотиците демонстранти, кои запалиле повеќе возила, уапсени се преку 30 лица.

Градоначалникот на Ајндховен, Џон Џоритсма, употреби драстични зборови за ескалацијата на протестите – доколку ситуацијата се развива на овој начин, „се движиме кон граѓанска војна“, изјави тој пред новинарите.

Повеќе на темата:

Фотографија на денот: Холандија воведува делумен карантин

Мерките го спречија Руте да си ја посети мајката на смртна постела

Немири имало и во Тилбург, Еншеде, Венло, Роермонд, Бреда, Арнхејма и Апелдорн, полицијата соопшти дека на повеќе места била нападната со петарди и камења. Само во Амстердам се уапсени најмалку 170 лица.

Во јужната провинција Лимбург близу германската граница, на помош била повикана и воена полиција. Во Еншеде насилниците фрлале камења врз болница, а дури кон полноќ ситуацијата во повеќето градови се смирила.

Претходната вечер дојде до безредија во малиот град Урк северно од Амстердам, каде млади лица, како што соопшти полицијата, го запалиле корона тест-центарот на здравствениот завод.