Народна банка со прогноза: Раст од 3,9% и инфлација од 3,1% | Северна Македонија | DW | 09.11.2021

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Народна банка со прогноза: Раст од 3,9% и инфлација од 3,1%

И покрај енергетската криза и растот на глобалниот раст на цените, засега не се очекуваат шокови.

Народната банка предвидува закрепнување на економијата со раст од 3,9% за оваа и за следната година. На среден рок се очекува умерено забрзување. Инфлацијата е проектирана на 3,1 процент и направена е умерена нагорна корекција во однос на априлската проекција, а следната година се очекува инфлацијата да биде 2,4 проценти.

И покрај енергетската криза и растот на глобалниот раст на цените, засега не се очекуваат шокови. Проекциите на меѓународните финансиски институции се дека наредната година ќе има стабилизирање во енергетскиот сектор. 

„Будно ги следиме состојбите особено кај енергетскиот сектор и кај глобалниот раст на цените, но засега не се очекуваат шокови, се очекува инфлацијата да остане во умерени рамки“, вели гувернерката на Народната банка, Анита Ангеловска-Бежоска. 

Дефицитот се очекува да остане во умерени рамки на ниво од 3,8 проценти, а на среден рок да изнесува околу два проценти од БДП, слично на преткризното ниво. Државните резерви изнесуваат 3,6 милијарди евра што е високо ниво во споредба со 2008 година кога изнесувале 1,5 милијарди евра. Позитивни движења се забележани и кај странските директни инвестциии кои во првата половина од годинава изнесувале 190 милиони евра за разлика од истиот период лани кога изнесувале 130 милиони евра. 

Светската банка во октомври прогнозираше  дека економијата во Северна Македонија годинава ќе забележи раст од 4,6 отсто. За наредната година се предвидува растот на БДП да изнесува 3,7 отсто, а во 2023 година - 3,4 отсто. Во полугодишниот извештај на Светска банка за земјите од Западен Балкан, се наведува дека инфлацијата ќе изнесува 2,4 отсто, но се очекува идната година да се намали.