Налог за апсење на исламист по нападот во Дортмунд | Свет | DW | 13.04.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Налог за апсење на исламист по нападот во Дортмунд

По нападот врз фудбалскиот тим на Борусија Дортмунд, издаден е налог за апсење на приведениот осомничен Ирачанец, но не за атентатот, туку поради злосторства кои ги извршил како член на ИД во Ирак.

Издаден е налог за апсење на Ирачанецот, приведен во рамките на истрагата по бомбашкиот напад врз автобусот на фудбалската екипа Борусија Дортмунд.Но, апсењето не е поради атентатот врз автобусот, туку поради сомневање за членство во терористичката организација Исламска држава, соопшти Сојузното обвинителство од Карлсруе. Според информациите од надлежното обвинителство, досегашната истрага не нашла никакви докази за учество на Абдул Бесет А. во нападот извршен врз фудбалскиот автобус.

Но, 26-годишниот Ирачанец е осомничен дека најдоцна на крајот од 2014. година се приклучил кон радикално-исламистичката треористичка милиција ИД во Ирак. Од расположливите информации произлегува дека тој таму командувал со единица од десет лица. Задачите на неговата единица биле подготовки за киднапирања, уцени и убиства. Осомничениот ќе биде изведен пред истражен судија.

Во вторникот вечерта беше извршен напад врз автобусот на германскиот член на фудбалската Бундеслига, Борусија Дортмунд, со три експлозивни направи. Во нападот беше полесно повреден одбранбениот фудбалер на Борусија, Марк Бартра и уште еден полицаец. Автобусот беше нападнат додека ја превезуваше екипата кон стадионот во Дортмунд, каде што таа требаше да се одигра четвртфиналниот натпревар од Лигата на шампионите против францускиот Монако, натпревар кој се преигра синоќа.  

 

DW.COM

Реклама