Мумбаи: Смртоносна роденденска забава | Свет | DW | 29.12.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Мумбаи: Смртоносна роденденска забава

Најмалку 14 луѓе загинаа во големиот пожар кој избувна во популарен ресторан во Мумбаи во раните утрински часови. Оваа последна катастрофа предизвика грижи во Индија поради незадоволителните мерки за заштита од пожари.

Многу од жртвите во страшниот пожар беа девојки кои присуствуваа на роденденска забава на покривот на ресторанот, кога избувна пожарот, соопштија властите во индиската финансиска метропола. Лекарите соопштија дека тие страдале од гушење со чад, очигледно додека се обидувале да избегаат од зградата во пламен.

Уште читајте: Катастрофален пожар во Њујорк

Локалните медиуми јавија дека покривот на четирикатната зграда се урнал под притисокот на пламените јазици, блокирајќи им го на тој начин патот на луѓето кои се затекнале во зградата и се обиделе да избегаат.

Пожарот беше изгаснат во раните утрински часови, а сите преживеани кои биле однесени во болница се пуштени по неколку часа.

Гледај видео 00:27

Страшен пожар во Мумбаи

Полицијата соопшти дека ги истражува причините за пожарот и оти поднесла прелиминарна тужба против сопствениците на ресторанот. 11 од 14-те жртви се девојки, кои присуствувале на роденденската забава, соопштија властите. Случаи на пожари се чести ширум Индија поради лошите безбедносни стандарди и незадоволителната примена на постоечките регулативи за противпожарна заштита.

 

DW.COM

Аудио и видео прилози на оваа тема

Реклама