Морбили: Вакцинирани речиси 30 илјади деца | Северна Македонија | DW | 15.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Морбили: Вакцинирани речиси 30 илјади деца

Македонското министерството за здравство денеска објави дека од почетокот на епидемијата на мали сипаници во земјата вакцинирани се близу 30 илјади деца помлади од 14 години.

Вкупниот број на вакцинирани деца според министерството изнесува 29.857.  Како што се прецизира, од вкупниот број 15.250 деца вакцината МРП ја примиле во Скопје, а 14.607 во внатрешноста на земјата.

Со одлука на владата децата кои не се вакцинирани не можат да одат во градинка, ниту да посетуваат настава во основните училишта.

Повеќе:

-Епидемијата на морбили ќе трае со месеци

-Епидемија на мали сипаници: Како да се заштитат бебињата?

-Бројот на инфекции со морбили зголемен за 300 проценти

Инаку како што соопштија здравствените власти во минатата недела се пријавени 70 нови случаи на морбили, што е 17 случаи помалку отколку една недела претходно.

„Кумулативно од почетокот на епидемијата, во декември 2018 година, регистрирани се 1.891 случај на мали сипаници што е 91,4 на 100.000 жители“, наведува Министерството за здравство. Од министерството наведоа дека родителите ја препознале важноста на навременото вакцинирање на децата, како единствема мерка за заштита од малите сипаници.

Гледај видео 02:45

Вакцинација или не?

 

DW.COM

Аудио и видео прилози на оваа тема

Реклама