Мирно пред Собранието по „црниот четврток“ | Македонија | DW | 28.04.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Мирно пред Собранието по „црниот четврток“

Во Скопје претпладнево беше мирно, по вчерашното насилство во македонскиот парламент, во кое според МВР повредени биле повеќе од 100 лица.

Пред македонското Собрание во утринските и претпладневните часови беше мирно. Улицата пред Собранието, како што јави дописникот на ДВ,  е блокирана за сообраќај, а во текот на утрото пред зградата на парламентот се распоредени дополнителни полициски единици и метални барикади. Пред зградата немало собрани граѓани, освен оние неколку шатори во кои ноќта ја минаа приврзеници на движењето „За заедничка Македонија“,  кое ги предводи демонстрациите, кои синоќа прераснаа во безредија и насилство . Симпатизерите на граѓанската иницијатива, која се противи на изборот за претседател на парламентот и на новата влада, шаторите ги поставија ноќеска и најавија дека ќе останат таму „колку што е потребно“, за да ја „одбранат Македонија“.

Министерството за внатрешни работи на Македонија извлече првичен биланс од насилство во Собранието, соопштувајќи декаа се повредени над 100 лица. Како што се наведува, во двете најголеми скопски болници ноќеска до 23.30 часот лекарска помош побарале 70 граѓани, 22 полицики служебеници и тројца пратеници. Дополнително во касарната „Ѓорче Петров“ лекарска помош им била укажана на уште 7 лица.

Телевизиските камери во Собранието снимија сцени на насилство досега невидени во историјата на парламентарната демократија на Македонија. Разгневените насилници меѓу демонстрантите од движењето „За заедничка Македонија“ нападнаа и повредија повеќе народни избраници и новинари, некои од нив и потешко.

Гледај видео 01:45

Мачна вечер на насилство во Скопје

Во немирите кои избувнаа кога во македонскиот парламент влегоа симпатизерите на „За заедничка Македонија, повредени беа лидерот на СДСМ и кандидатот на парламентарното мнозинство за премиер Зоран Заев, повеќе функционери од партијата, меѓу кои и заменичката претседател Радмила Шеќеринска, Хари Локвенец, Дамјан Манчевски како и лидерот на Алијанса за Албанците Зијадин Села, кој е префрлен во приватна клиника.

Безредијата започнаа околу 19 часот, откако парламентарното мнизинство, кое го сочинуваат СДСМ и албанските партии ДУИ, Беса и Алијанса за Албанците, го избраа Талат Џафери за претседател на Собранието, со противење на пратениците од ВМРО-ДПМНЕ. 

 

DW.COM

Аудио и видео прилози на оваа тема

Поврзана содржина

Реклама