1. Прескокни до содржината
  2. Прескокни до главната навигација
  3. Кон други страници на DW
Криминал

Минеаполис гори- воведена вонредна состојба

СН/дв
29 мај 2020

Американскиот претседател Трамп се закани со последици по безредијата во Минеаполис по убиството на афроамериканец од страна на полицијата во градот. Гувернерот на Минесота ја мобилизираше Националната гарда.

https://p.dw.com/p/3cwqy
USA Minneapolis | Tod George Floyd nach Polizeigewalt | Ausschreitungen & Protest
Фотографија: Reuters/C. Barria

Претседателот на САД, Доналд Трамп се закани со консеквенци по насилните протести кои избувнаа во градот Минеаполис по смртта на афроамериканецот Џорџ Флојд , за време на насилното приведување од страна на полицијата. „Само што разговарав со гувернерот Тим ​​Волц и му реков дека војската е на негова страна. Ако има потешкотии, ние ќе ја преземеме контролата, но кога ќе почнуваат ограбувањата, почнува пукањето “, порача Трамп преку Твитер.

 „Овие насилници го обесчестуваат споменот на Џорџ Флојд и нема да дозволам тоа да се случи“, напиша Трамп. Трамп го обвини градоначалникот на Минеаполис Џејкоб Фреј  за „тотален недостаток на лидерство“. „Или слабиот градоначалник на радикалната левица, Џејкоб Фреј,  ќе успее да го стави градот под контрола, или ќе ја испрата, Националната гарда и ќе ја завршам работата како што треба“, напиша Трамп. 

USA Minneapolis | Tod George Floyd nach Polizeigewalt | Ausschreitungen & Protest
Фотографија: Reuters/C. Barria

Државниот гувернер Тим Волц синоќа ја активираше Националната гарда и прогласи вонредна состојба во Минеаполис и околните области. Националната гарда на Минесота соопшти дека повеќе од 500 војници биле распоредени во регионот Минеаполис. Нејзина задача е да го заштити животот и имотот и да обезбеди мирни демонстрации. 

Повеќе:

-ОН: САД мора да го запрат убивањето на афроамериканците

Инаку протестите  во Минеаполис започнаа во средата, а бесните учесници за време на вчерашните демонстрации ги ограбуваа продавниците, ги опустошуваа и ги демолираа. Градоначалникот Фреј претходно побара од гувернерот на сојузната држава Минесота да испрати воени трупи- Националата грарда.

Повод за протестите беше смртта на Џорџ Флојд, кој беше снимен за време на апсењето како се гуши додека еден полицаец со колена му го притиска вратот 8 минути. На снимката се слуша како Флојд го моли полицаецот да го попушти притисокот и му вели дека не може да диши.

USA Proteste wegen Tod von George Floyd In Minnesota
Фотографија: picture-alliance/ZumaPress/TNS/M. Vancleave

Гувернерот Волц вчера повика на мир и рече оти насилството престатвува „исклучително опасна ситуација“ и ги повика луѓето да се разидат. Канцеларијата на американскиот државен обвинител и Федералното истражно биро (ФБИ) во Минеаполис соопштија дека спровеле кривична истрага поради смртта на Флојд и оти овој случај им е приоритет. Претседателот на САД Трамп во првата реакција на видеото во средата на Твитер го осуди убиството и побара да се забрза истрагата.