Меркел се нуди за посредник во кризата со Северна Кореја | Свет | DW | 11.09.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Меркел се нуди за посредник во кризата со Северна Кореја

САД имаат намера во Советот за безбедност да издејствуваат заострени санкции против Северна Кореја. Дали Русија и Кина ќе играат на истата страна е прашање. Пјонгјанг во меѓувреме повторно се заканува.

По интензивни дипломатски напори зад кулисите, Советот за безбедност на ОН денеска ќе разговара за конфликтот со Северна Кореја и можеби ќе донесе и заострени санкции против Пјонгјанг.

По последната нуклеарна проба на Северна Кореја пред околу една недела, САД најавија „најостри можни санкции“, меѓу кои и нафтено ембарго и замрзнување на имотот на властодржецот Ким Јонг Ун во странство. Во меѓувреме, во СБ на ОН се предлага „омекната“ резолуција, односно текст во кој не се предвидени конкретни казнени мерки, велат дипломати во Њујорк. Се тврди дека нема да биде замрзнат имотот на Ким Јонг Ун во странство за да им се излезе пресрет на Русија и Кина.

Пјонгјанг во меѓувреме се закани дека САД ќе платат „висока цена“ доколку предлог резолуцијата има успех во ОН. Советот за безбедност на почетокот на август ги донесе досега најострите санкции против Пјонгјанг, кои меѓу другото предвидуваат забрана за извоз на јаглен, железна руда, олово, како и риба и морски плодови. Но, постоечките санкции постојано се заобиколуваат, како од страна на Северна Кореја, така и од страна на други земји, се вели во извештајот на експретите на ОН кои годишно ја контролираат ситуацијата со санкциите.

Deutschland Merkel warnt vor Einsatz des Militärs im Nordkorea-Konflikt (picture alliance/dpa/AP/M. Schreiber)

Меркел се изјасни за наоѓање дипломатско решение

Германија како посредник?

Во меѓувреме, покрај Швајцарија, за посредник во кризата со Северна Кореја се нуди и Германија. „Ако се посакува наше учество на разговорите, веднаш ќе кажам да“, изјави канцеларката Ангела Меркел за „Франкфуртер алгемајне зонтагсцајтунг“. Таа укажа на преговорите за иранската атомска програма, чиј дел, покрај петте сили со право на вето во СБ на ОН, беше и Германија. Во изминатите денови Меркел веќе разговараше со кинескиот претседател Си Џинпинг и се изјасни за наоѓање дипломатско решение.

DW.COM

Поврзана содржина

Реклама