Македонија понуди еврообврзница со 5 отсто камата | Северна Македонија | DW | 14.07.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Македонија понуди еврообврзница со 5 отсто камата

И покрај предупредувањата од експертите и критиките во јавноста, македонската влада веќе ја понуди на пазарот еврообврзницата со рок на отплата од седум години и камата од 5 проценти.

Македонските власти на пазарот веќе започнале да ја нудат еврообврзницата на рок од седум години и со камата од 5 проценти годишно.

Агенцијата Ројтерс јавува дека обврзницата ја менаџираат Ситигруп, Дојче Банк, Ерсте груп и Сосиете Женерал.

Според рејтинг-агенциите, Македонија има рејтинг од ББ- (стабилен) кај Стандардс и Пур, и ББ+ (негативен) кај агенцијата Фич.

Владата донесе одлука да се задолжи со дополнителни 650 милиони евра на седница одржана на 21 јуни годинава. Одлуката неколку дена беше чувана во тајност. Во образложението беше наведено дека парите кои треба да се обезбедат се за буџетска поддршка во 2016 и 2017 година, како и за рефинансирање на обврските по основ на државниот долг.

Поради политичката нестабилност, задолжувањето на земјата на меѓународниот финансиски пазар се одвива со повисоки камати.

Mazedonien Geld Denar

Владата тврди дека парите се за буџетска поддршка во 2016 и 2017 година, како и за рефинансирање на обврските по основ на државниот долг.

Експертите со кои разговараше ДВ го осудија ваквиот потег на владата и го оценија за неодговорен.

„Треба да се скратат непродуктивните трошења во буџетот, како Панорамско тркало, барок за ГТЦ, патни трошоци од милиони евра за функционерите и слично. Доколку и кратењето на тие трошоци е недоволно тогаш подобро е да се задолжувме дома, каде се уште има средства, а и каматната стапка е пониска“, изјави за ДВ економскиот аналитичар Бранимир Јовановиќ.

Академик Абдулменаф Беџети во интервју за ДВ денеска предупреди дека Македонија може да ја доживее економската судбина на Грција.

„Не ја научивме лекцијата од Грција. И тие доброволно не сакаа да штедат се` додека тоа не им го наметнаа кредиторите. Многу скоро и со нас ќе се случи истото. Само се чека на моментот кога кредиторите повеќе нема да сакаат да кредитираат непродуктивна и авантуристичка потрошувачка“, вели Беџети.

Доколку се искористи целата предвидена сума за еврообрзницата од 650 милиони евра, според проценките, македонските граѓани за седум години ќе мораат да вратат и камата од уште 220 милиони евра, или севкупно над 870 милиони евра.

Поврзана содржина

Реклама