Македонија и Бугарија се вртат кон иднината | Балкан | DW | 01.09.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Балкан

Македонија и Бугарија се вртат кон иднината

Македонија и Бугарија денеска во Софија потпишаа Меморандум за соработка во европската и евроатлантската интеграција. Документот го потпишаа министрите за надворешни работи Никола Попоски и Николај Младенов.

Шефот на македонската дипломатија Никола Попоски

Шефот на македонската дипломатија Никола Попоски

Дoкументот предвидува Бугарија да и‘ ги пренесе своите искуства од европските и евроатлантските интеграции на Македонија, за таа да не ги повтори нивните грешки и што поскоро да се интегрира во ЕУ и НАТО.

„Македонија и Бугарија се двата најблиски соседа, кои ги сврзува заедничка историја. Бугарија, која е членка на ЕУ и НАТО, е првата земја што ја призна независноста на Македонија и има морална должност да и‘ помага како на Македонија, така и на сите соседи, што поскоро да влезат во ЕУ и да ги развиваат добрососедските односи. Време е да заборавиме на минатото и да гледаме на иднината“, рече бугарскиот министер за надворешни рааботи Младенов по потпишувањето на Меморандумот. Тој нагласи дека со министерот Попоски имал констуктивна средба и додаде дека во последните неколку години односите меѓу двете земји не биле на задоволително ниво.

Nikolaj Mladenow Außenminister Bulgarien

Германскиот министер за надворешни работи Николај Младенов

„Треба да најдеме сили да се надмине тоа и да се подобри соработката особено на економско поле и да се создава доверба на европски начин“, рече Младенов.

Поголема соработка и неменување на границите

Министерот Попоски оцени дека на денешните средби во Софија имало одлична и конструктивна атмосфера и оти во разговорите било истакнато дека економската соработка е еден од приоритетите на двете земји, а особено во делот на инфраструктурата.

„Мислам дека имаме заедничко разбирање и оти гледаме во ист правец во поглед на приоритетите кои постојат пред нас – интеграциите на регионот во ЕУ и НАТО. Потпишувањето на Меморандумот ќе ни овозможи да ја операционализираме соработката и да ги постигнеме заедничките цели“, рече Попоски. Еден од приоритетите во иднина, нагласи тој, ќе биде подобрувањето на инфраструктурата и економската соработка.

„Ќе се подобри целосната клима и ќе се создаде позитивен импулс, со што ќе дејствуваме кон крајната цел - целиот регион да биде дел од ЕУ, а границите да не се менуваат, туку да се сведат на ниво на административни граници во рамките на европското семејство“, рече Попоски и додаде дека и во иднина натамошно ќе се унапредуваат односите меѓу двете земји.

Parlament Sofia Bulgarien

Бугарскиот парламент

Прашани дали се планира да се потпише и Договорот за пријателство меѓу двете земји, што лани не беше потпишан поради несогласувања, двајцата министри одговорија дека довербата не се гради на договори, туку треба да се надоградува.

Цачева: Подготвени сме да го споделиме положениот испит

Официјалната посета на Бугарија министерот Попоски ја почна со средбата со претседателката на бугарското Народно собрание Цецка Цачева. Попоски и Цачева, како што соопштуваат од бугарското собрание, се согласиле дека меѓу двете земји постојат бројни можности за соработка. Цачева посочи дека Бугарија ја поддржува евроатланската интеграција на Македонија, како и на останатите балкански земји.

„Ние, бугарските пратеници, сме подготвени да го споделиме положениот испит, но и грешките при подготовките за членство на земјата во Европската унија и процесот на прилагодување на нашето со европското законодавство“, рече Цачева.

Автор: ЖА/ЗЈ/миа/макфакс

Редактор: Жана Ацеска