Лудата авантура на хеви-метал пензионерите | Панорама | DW | 06.08.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

Лудата авантура на хеви-метал пензионерите

Еден старечки дом во Германија викендов морал да ја алармира полицијата откако исчезнале двајца негови жители. Неколку часа подоцна полицијата ги пронашла пензионерите на фестивал на хеви-метал музика.

Двајца постари мажи избегале од својот старечки дом во петокот за да го проследат фестивалот на хеви-метал музика Вакен Опен Ер, соопшти полицијата. Старечкиот дом ја алармирал полицијата откако било утврдено дека ги нема во нивната соба.
Полицијата по неколкучасовна потрага ги пронашла двајцата љубители на хеви-метал на фестивалот кој се смета за најголем во светот. Портпаролка на полицијата изјави дека двајцата биле „дезориентирани и загубени“.
Двајцата одбивале да го напуштат фестивалот, па полицијата морала да ги испрати до нивниот дом со такси и со придружно полициско возило.
„Очигледно им се допаѓал хеви-метал фестивалот“, изјави портпаролката Мерле Нојфелд за локалните медиуми. „Старечкиот дом им организираше возило откако полицијата ги идентификуваше“. Полицијата не соопшти колку години имале сениорите- фанови на хеви-метал музиката. 

Deutschland Wacken Festival 2018 (ICS Festival GmbH)

Во Вакен се одржува најголемиот хеви-метал фестивал во светот

Распродадено

Инаку, 29-то издание на легендарниот хеви-метал фестивал е целосно распродаден. Четиридневниот музички хепенинг го следат околу 75 илјади луѓе. Годинава настапуваат Данциг, Џудас Прист, Хејтбрид, Ранинг вајлд и многу други познати групи.
Фестивалот кој се одржува во покраината Шлезвих Холштајн честопати е следен од поројни дождови и длабока кал, но годинава поради големите жештини организорите ги предупредуваат гостите од опасноста од пожари и ризик од прашина.
Полицијата ги пофали годинешните гости за добро однесување, со исклучок на неколку помали инциденти поради поседување дрога, ситни кражби и тепачки.

DW.COM

Реклама