Лидерот на Исламска држава Ал Багдади си го активираше експлозивниот појас | Свет | DW | 27.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Лидерот на Исламска држава Ал Багдади си го активираше експлозивниот појас

Најбараниот светски терорист загинал во операција на американската армија во Сирија. Претседателот на САД, Доналд Трамп ја твитна веста, а потоа имаше и ТВ обраќање

Abu Bakr al-Bagdadi (picture-alliance/AP Photo/)

Абу Бакр ал-Багдади

Абу Бакр ал-Багдади се разнел со експлозивен појас откако бил откриен од американската армија на границата меѓу Сирија и Турција. Ирачанецот Ал Багдади беше лидер на Исламската држава која во еден период контролираше огромен дел од територијата на Сирија и Ирак. Тој се сметаше за одговорен за илјадници убиства на верски малцинства на Блискиот исток, како и за серија терористички напади на пет светски континенти.

Трамп утрово по американско време, во телевизиско обраќање до нацијата рече дека Ал Багдади загинал „како куче“ и „како кукавица“ и дека притоа „убил три деца“. Во операцијата на американската армија, според Трамп, загинале и голем број поддржувачи на Багдади.

Трамп соопшти дека САД добиле голема помош за операцијата од Русија која им „го отворила воздушниот простор“, како и на теренот од локалните Курди.

 

DW.COM

Реклама