Косово најавува уште три мерки против Србија | Свет | DW | 11.12.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Косово најавува уште три мерки против Србија

Додека царините од 100 отсто веќе се одразуваат на животот и во српските и во албанските средини на Косово, Приштина најавува уште три мерки против Белград.

Косово размислува за воведување на уште три мерки против Србија. „Во прашање се три мерки кои се слични на мерката за таксите од 100 отсто, а кои се однесуваат на признавањето документи, на забраната за влез на возила со таблички на Србија, како и за регистрацијата на странски компании што го снабдуваат Косово од Србија“, изјави Хаки Шатри, економски советник на косовскиот премиер Харадинај. Одлука за ова сѐ уште не е донесена, но дискусијата е во тек.

На 21 ноември владата на Косово воведе нови царини од 100 проценти на производи од Србија и од Босна и Херцеговина, со цел, како што беше објаснето, зајакнување на домашното производство, економијата и косовската државност.

Царините на српски производи на Косово веќе доведоа до поскапување на лебот - и во српските и во албанските средини. Залихи на брашно сѐ уште има, но не уште долго. Репортерките на ДВ се распрашаа во пекарниците во граѓаница и Липљан.

Гледај видео 01:36

„Кревам цена или ја затворам пекарницата“

Аудио и видео прилози на оваа тема

Реклама