Коронавирус во Италија: „Италија буквално гладува“ | Свет | DW | 01.05.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Коронавирус во Италија: „Италија буквално гладува“

Италијанскиот премиер Конте најави „Фаза 2“ во борбата против пандемијата - од 4 мај на сила стапуваат одредени олабавувања на мерките. Сепак, многу римјани гледаат мрачна иднина.

Сончево утро во Рим. Сино небо и пријатна пролетна топлина. Но, пандемијата е како сенка надвисната над италијанскиот главен град. Скулптурите делуваат осамено, плоштадите и улиците се без живот, како сенишна филмска кулиса. Ги нема роевите туристи. Наместо тоа, на секој агол има полицајци кои вршат контрола на минувачите и причината поради која се надвор.

Италијанците чекаа со напрегнатост на прес-конференцијата на италијанскиот премиер Џузепе Конте во неделата. Се надеваа дека забраната за излегување ќе биде конечно укината на 4 мај. Но, многумина останаа разочарани. Забраната за излегување, воведена на 11 март, ќе биде укинувана постепено, стави јасно до знаење Конте.

Italien Rom Leere Straßen

Сенишен мир во Рим

„Нема да трае долго додека почнеме да гладуваме“

„На нашата иднина не гледам ниту црно ниту со розови очила. Сива е можеби вистинската боја за опишување на нашата сосотојба“, вели римскиот таксист Клаудио. Тој не знае како да си ги подмири даночните обврски во наредните месеци. Секој ден со часови чека на муштерии.

„Вирусот загуби на сила, па сепак не треба уште долго за да почнеме да гладуваме. Стравот е голем, зашто ако имаш долгови, или ако имаш кредит за куќа, веќе не добиваш нов кредит од банките“, се жали Клаудио.

Првите кризни месеци се преживеани, строгите забрани за контакти покажаа ефект. Сега италијанската влада најавува втора фаза - „Фаза 2“. Предност пред социјалниот живот има очигледно италијанската економија, која би требало да тргне по нагорна линија што е можно побргу.

Italien Rom | Coronavirus | Reportage Esma Cakir | Claudio

Таксистот Клаудио е фрустриран

Од 4 мај ќе почнат со работа најголемиот дел од производствените капацитети. Освен тоа, дозволена ќе биде и достава и подигање на храна од рестораните, а ќе отворат и кафулињата и фризерите. На местата каде што има премногу контакти меѓу луѓето отворањето е предвидено од 1 јули натаму.

Повеќе:

Самит на ЕУ: Италија сака корона-обврзници, Германија не

Mафијата може да профитира од корона-кризата

Италија: Никој не е имун на тешките последици од коронавирусот

Солидарност во Италија во време на коронавирус - младите ги крепат старите

Конте: Наредната фаза ќе биде уште потешка

Премиерот Конте му се заблагодари на својот народ за трпението кое го покажа досега. Тој е горд на постигнатото, но „наредната фаза ќе биде уште потешка“.

Таксистот Клаудио е фрустриран. „Многу Италијанци влегоа во долгови поради затворањето на нивните фирми.“ Владата на самостојните претприемачи и на вработените со полно работно време им нуди отштета од 600 евра месечно, но помошта не е уверлива за Клаудио. „Најголемиот број Италијанци немаат добиено обесштетување од претходниот месец. Ако оваа помош не стигне, како да се плати данокот наредниот месец?“, се жали тој. „Други земји дури печатат банкноти за своите граѓани, а ние добиваме дозвола за напуштање на домот“, додава саркастично таксистот.

Italien Rom | Coronavirus | Reportage Esma Cakir | Engelsburg

Наредната фаза ќе биде уште потешка

Во иста насока е коментарот и на Симона, сопственичка на кафетерија во центарот на Рим. „Дури и ако ваквата помош се исплаќа со недели, тоа не е доволно.“ Според неа, планот е бескорисен. „Многу семејства се’ уште чекаат на ветените 600 евра. Како долгорочно ќе бидеме во состојба да им обезбедиме храна на децата? Очекувавме повеќе помош од државата. Италија буквално гладува.“

Мобилноста е многу ограничена

Рестрикциите на слободата на движење остануваат и во „Фаза 2“. Од 4 мај ќе биде можно напуштање на домот за купување, за одење на работа, за медицинска нега или посета на роднини или партнери. Но, регионот во кој се живее и натаму ќе смее да се напушти само ако се има добра причина.

Italien Rom | Coronavirus | Reportage Esma Cakir | Irene Farinelli

Ирене Фаринели

Седумдесетгодишната пензионерка Ирене Фаринели е против регионална изолација. „Моите деца и внуците живеат во други региони. Не сум ги видела веќе два месеца. Многумина се загрижени дека ќе мораме уште долго да седиме дома. Мора да излеземе од оваа ситуација што е можно побргу.“

Иако многу жители на Рим посакуваат укинување на рестрикциите за патување, забраните всушност би можеле да бидат дури и построги. Зашто, италијанските виролози и епидемиолози се залагаат за траење на рестрикциите што е можно подолго. Андреа Кристанти, една од најпознатите виролози во земјата, на пример е уверена дека и малите олабавувања на мерките се премногу. „Кога земјата беше ставена во изолација на 11 март, имаше 1800 случаи дневно. Тоа е ист број случаи каков што регистриравме вчера“, аргументираше таа за весникот „Ла Република“ пред неколку дена.

Гледај видео 01:17

Во војната против коронавирусот, Италија води битки на повеќе фронтови

Аудио и видео прилози на оваа тема

Реклама