Во Бразил во последните 24 часа се регистрирани 1.283 смртни случаи поврзани со инфекција на коронавирусот, а забележани се уште 63.630 новоинфицирани, соопшти бразилското министерство за здравство.
Бразил, во кој се регистрирани над 220.000 смртни случаи, е на второто место во светот, веднаш по САД, по бројот на починати поради последици со инфекција на коронавирусот.
Според податоците на министерството за здравство на оваа јужноамериканска земја, од почетокот на пандемијата вкупно се заразени речиси 9 милиони луѓе.
Актуелниот висок број на нови инфекции во Бразил, според бројни научници веројатно се должи и на мутацијата на вирусот која е откриена во оваа земја.
Повеќе:
-Преку 20 милиони инфицирани со коронавирус во светот
-Фотографија на денот: Вакцинирање во Бразил
-Корона-рекорди во САД, Бразил и Индија
Според Светската здравствена организација, бразилската варијанта на коронавирусот досега е потврдена во вкупно 8 земји.
Бројот на земји и територии во кои, пак, е присутна новата варијанта на коронавирусот откриена во Велика Британија се зголеми на 70, односно 10 земји повеќе во однос на 12 јануари, соопшти СЗО.
-
Вухан: Една година по избувнувањето на пандемијата
Рамо до рамо на преполните пазари
Вухан беше во карантин околу 11 недели откако стана првото глобално жариште на коронавирусот. До средината на мај 50.000 од 80.000 од официјалните случаи на заразата во Кина беа во Вухан. Но, сега животот речиси е вратен во „нормала“ на преполните улични пазари во градот.
-
Вухан: Една година по избувнувањето на пандемијата
Танцување на улиците
За време на карантинот, на жителите не им беше дозволено ниту да ги напуштат своите домови. Сега, тие дури можат да танцуваат заедно во парковите. Според новинската агенција Ројтерс, таму веќе со месеци нема локално пренесување на вирусот.
-
Вухан: Една година по избувнувањето на пандемијата
Нулта точка на коронавирусот?
Зеленчук, риба и месо - дури и диви животни - сето тоа се продаваше на овој покриен пазар. Но, тој ги затвори портите на 1 јануари 2020 година, откако започна да се шири мистериозното заболување на белите дробови и неговото потекло беше пронајдено на пазарот. Научниците сè уште не ја утврдија точната улога на пазарот во ширењето на вирусот, ако воопшто имаше улога.
-
Вухан: Една година по избувнувањето на пандемијата
Егзистенцијата на рестораните е изложена на ризик
Пред пандемијата, Лаи Јун поголемиот дел од производите за неговиот јапонски ресторан ги купувал во покриениот пазар. „Ги испраќав децата на училиште, појадував, а потоа одев на пазар“, вели 38-годишникот. Од повторното отворање во јуни, тој морал да оди на друго место - а некои од состојките сега чинат петпати повеќе. „Наша цел за наредната година е едноставно да преживееме“, вели тој за ДВ.
-
Вухан: Една година по избувнувањето на пандемијата
Нема повеќе свежа стока
Иако пазарот на приземјето сè уште е затворен, вториот кат е повторно отворен. Но, поголемиот дел од продавниците продаваат очила и други специјализирани производи за оптичари. „Некои луѓе можеби имаат чудно чувство, но сега е само празна зграда“, вели за ДВ една од продавачките, која не сакаше да го каже своето име.
-
Вухан: Една година по избувнувањето на пандемијата
Продавачите се префлија на улиците
Од затворањето на пазарот, некои луѓе почнаа да продаваат месо и друга свежа стока на улиците. Дури и ако продавачите носат маски и ракавици, некои велат дека условите не се во согласност со одредени хигиенски стандарди. Во екот на пандемијата на коронавирусот покриениот пазар беше критикуван поради лошите здравствени и санитарни прописи.
-
Вухан: Една година по избувнувањето на пандемијата
Кловн без маска- заштитна
Повеќето жители на Вухан носат маски на јавни места, особено затоа што коронавирусот не е исчезнати имала одреден број нови случаи на други места во Кина. „Многу луѓе почнаа да складираат маски, средства за дезинфекција и друга заштитна опрема“, изјави за ДВ, 29-годишниот учител по англиски јазик Јен.
Автор: Ута Штајнвер
Видот на коронавирусот кој е откриен во Јужна Африка, кој како и британскиот побрзо се шири отколку основниот САРС-КоВ-2, исто така, продолжува да се шири во другите земји и сега е присутен во 31 земја и територии, наведе СЗО.
Ширум светот во тек се истражувања кои треба да утврдат зошто сојот откриен во Велика Британија е позаразен.
СЗО наведе дека варијантите на коронавирусот кои се различни од основниот вирус со време се појавуваат поради различни мутации и додаде дека ова е нормална појава за вирусите.
-
Доналд Трамп и другите познати личности кои се заразија со коронавирусот
Коронавирусот и во Белата куќа
Хоуп Хикс, блиска соработничка на претседателот на САД, се заразила од коронавирусот - и потоа ги инфицирала Доналд Трамп и Првата дама, Меланија. Среде предизборна кампања, актуелниот претседател сега е во „самоизолација“. Желби за брзо оздравување на Трамп и на неговата сопруга пристигнаа од целиот свет.
-
Доналд Трамп и другите познати личности кои се заразија со коронавирусот
Силвио Берлускони
83-годишниот поранешен италијански премиер, инфициран со коронавирус на почеток на септември заврши во болница со воспаление на белите дробови, таму помина десетина дена. Две од децата, како и неговата 30-годишна пријателка, беа исто така позитивни на Ковид-19. Кај екс-премиерот бил утврден вирусот по враќањето од брегот на Сардинија, каде летуваат италијанските богаташи и познати личности.
-
Доналд Трамп и другите познати личности кои се заразија со коронавирусот
Роберт Патисон
34-годишниот глумец, познат првенствено по улогата на романтичниот вампир Едвард Кален, е позитивен на тест за Ковид-19, па од таа причина по само неколку дена од повторниот почеток, е прекинато снимањето на неговиот филм Бетмен. Патисон, кој се појавуваше и во филмовите за Хари Потер, ја презеде улогата на Бетмен откако лани се повлече Бен Афлек.
-
Доналд Трамп и другите познати личности кои се заразија со коронавирусот
Двејн „Рок“ Џонсон
Поранешниот борачот кој стана филмска ѕвезда, е еден од најновите познати личности на А-листата на заразени со Ковид-19. На видео објавено на Инстаграм тој откри дека тој, сопругата и двете деца се позитивни на тест, додавајќи дека со тоа доживеал тежок удар. Џонсон упати повик до луѓето да не ја политизираат пандемијата и да носат заштитни маски.
-
Доналд Трамп и другите познати личности кои се заразија со коронавирусот
Нејмар
Бразилската фудбалска икона е еден од тројцата играчи на ФК Париз Сен Жермен кои се заразиле со коронавирус. Инфицирањето на играчите во клубот се поврзува со патувањето на одмор на тимот на шпанскиот остров Ибица. Нејмар подоцна на Инстаграм објави фотографија со синот, според извештаите исто позитивен на тест, со коментар: „Благодарам за пораките, нам на сите ни е добро!“
-
Доналд Трамп и другите познати личности кои се заразија со коронавирусот
Усеин Болт
Атлетичарската легенда Усеин Болт бил тестиран за позитивен на коронавирус неколку дена по забавата по повод неговиот 34-ти роденден. Рекордерот во трчање на 100 и 200 метри изјави дека се наоѓа во карантин, но нема симптоми. Видео снимки од роденденската прослава на отворено покажуваат дека гостите не носеле маски.
-
Доналд Трамп и другите познати личности кои се заразија со коронавирусот
Антонио Бандерас
Шпанскиот актер на средината на август доживеа непријатно изненадување на својот 60-ти роденден, откако му е потврдено присуство на коронавирусот. Бандерас изјави дека роденденот го поминал во изолација, дека е „поуморен од обично“, но „во надеж дека ќе се оправи што поскоро.“
-
Доналд Трамп и другите познати личности кои се заразија со коронавирусот
Жаир Болсонаро
Бразилскиот претседател, кој постојано ја минимизираше пандемијата, се инфицирал со вирусот во јули. Експертите го критикуваа што и пред и по дијагнозата ги игнорираше препорачаните мерки на претпазливост, се ракуваше и прегрнуваше со луѓето. Неговата сопруга и синовите исто така беа позитивни на тестот.
-
Доналд Трамп и другите познати личности кои се заразија со коронавирусот
Том Хенкс
Глумецот Том Хенкс и сопругата, актерката и пејачка Рита Вилсон, се меѓу првите проминентни личности кои објавија дека се инфицирале со вирусот. Двојката позитивниот тест го добила на почетокот на март во Австралија. По заздравувањето и враќањето во САД, Хенкс се ангажираше луѓето да се придржуваат на мерките за спречување на ширењето на болеста.
-
Доналд Трамп и другите познати личности кои се заразија со коронавирусот
Софи Трудо
Сопругата на канадскиот премиер Џастин Трудо, била тестирана позитивно на коронавирус по враќање од Обединетото британско кралство во средината на мај. Нејзиниот сопруг објави дека по дијагнозата, тој и самиот заминал во домашна изолација.
-
Доналд Трамп и другите познати личности кои се заразија со коронавирусот
Борис Џонсон
На крајот на март од Ковид-19 заболе британскиот премиер Борис Џонсон, кој потоа помина повеќе дена во болница во Лондон. Три дена беше преместен во станица за интензивна нега, каде добивал кислород и бил постојано набљудуван. На средината на април беше отпуштен од лекување во болницата, по што му се заблагодари на болничкиот персонал што му го спасил животот.
