Ковид во Северна Кореја: Од нула до 350 илјади случаи за 24 часа? | Свет | DW | 13.05.2022
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Ковид во Северна Кореја: Од нула до 350 илјади случаи за 24 часа?

Еден ден откако официјален Пјонгјанг ги потврди првите инфекции со коронавирусот, пријавен е и првиот смртен случај од ковид во земјата, како и повеќе од 350 илјади случаи на „треска од непознато потекло“.

Луѓе со заштитни маски во Пјонгјанг

Луѓе со заштитни маски во Пјонгјанг

Цели две години севернокорејските власти тврдеа дека земјата не е погодена од пандемијата на коронавирусот. Вчера, меѓутоа, првпат официјално беа пријавени случаи на ковид во земјата а денеска е воведен локдаун на национално ниво и пријавен и првиот смртен случај. Севернокорејските државни медиуми соопштија дека од крајот на април шест лица починале со треска од засега непознато потекло која „експлозивно“ се проширила во земјата. Само кај едно од од шесте лица кои починале било потврдено дека е заразено со сојот Омикрон на коронавирусот. 

Лидерот на Северна Кореја, Ким Јонг Ун, вчера за првпат се појави во јавноста со маска

Лидерот на Северна Кореја, Ким Јонг Ун, вчера за првпат се појави во јавноста со маска

Државните медиуми уште јавија дека повеќе од 350.000 за кратко време развиле „треска од непознато потекло“.  Од нив, 262.200 целосно оздравеле, додека денеска се откриени 18.000 лица со слични симптоми, а во 187.800 се и натаму во изолација поради лечење. 

Засега не е јасно колку од овие лица навистина биле заразени со коронавирусот. Северна Кореја, сметаат набљудувачите, веројатно нема доволно тестови за откривање на корона-инфекциите ниту друга медицинска опрема. Според нив, меѓутоа бројките укажуваат на можниот обем на ширење на вирусот во земјата, 

Се претпоставува дека забрзаното ширење на инфекциите било поради масовната воена парада во Пјонгјанг на 25 април, каде севернокорејскиот лидер, Ким Јонг Ун, пред десетици илјади луѓе ги прикажа најмоќните ракети од воената нуклеарна програма.

Пјонгјанг како и целата земја од денеска се во локдаун поради коронавирусот

Пјонгјанг како и целата земја од денеска се во локдаун поради коронавирусот

Аналитичарите од јужнокорејскиот институт Сејонг соопштија дека темпото на ширење на вирусот сугерира оти кризата би можела да потрае со месеци, а веројатно и во текот на 2023 година и дека би можел да предизвика големи пореметувања во Северна Кореја.

Некои стручњаци велат оти признавањето дека избила пандемија во Северна Кореја зборува за подготвеноста на државата да прифати помош која ја одби минатата година од програмата за дистирибуција на вакцини Ковакс која ја поддржува ОН, и одби милиони дози вакцини од АстраЗенека и од кинескиот Синовак.

Јужна Кореа понуди помош, а кинеското Министерство за надворешни работи денеска соопшти и оти Пекинг ѝ нуди на Северна Кореа сѐ што е потребно во борба против епидемијата.

Ким денеска го посети штабот за борба против коринавирусот и ги критикуваше официјалните лица, како што наведе, поради неуспехот да ја спречат „ранливата точка во системот за превенција од епидемијата“.

Тој додаде оти ширењето на епидемијата е насочено кон главниот град Пјонгјанг, и ја нагласи важноста за изолација на сите работни и стамбени единици едни од други, и дека истовремено треба да им се пружи сѐ на жителите сѐ што им е потребно за време на локдаунот.