Кај мама и тато до 26 години: прашање на комодитет или на пари | Панорама | DW | 08.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

Кај мама и тато до 26 години: прашање на комодитет или на пари

Александар Велики на 26 години ја освоил цела Персија. Денес, пак, младите Европејци во просек на 26 години го напуштаат родителскиот дом. На што се должи тоа?

Сѐ повеќе млади ширум Европа сѐ подолго живеат со родителите. Зошто? Дали е во прашање линија на помал отпор, или едноставно немаат пари да се осамостојат?

Актуелните статистики покажуваат дека во просек младите Европејци го напуштаат родителскиот дом дури на 26 години. За споредба, Александар Велики на 26 години ја освоил цела Персија.

Разлики меѓу југот и северот

Токму на југот на Европа младите денес најдолго живеат со мама и тато. Хрватите, Бугарите и Италијанците уживаат во благодетите на родителскиот дом дури и во четвртата деценија од животот, додека кај младите Грци и Шпанци тоа се случува малку порано -  околу 30-тиот роденден.

Оваа тема беше обработена и во последното издание на видео-магазинот #ЕУРОПЕО:

Гледај видео 02:03

Најдобро е кај мама и тато?

Од друга страна младите Скандинавци на северот на Европа се осамостојуваат веќе со полнолетството. Швеѓаните го држат рекордот со 18,5 години, а следуваат Данците и Финците кои остануваат кај родителите малку подолго - до својата 20-та година.

Повеќе за темата:

-Од хотел „Мама“ во странство

-Хотел мама: Ќе се отселам кога ќе се омажам!

-Враќање во „Хотел мама“

Младите на северот и на југот на Европа очигледно имаат различно сфаќање за самостојноста. Што е причината?

Лошата економска ситуација на југот на Европа и константно високата стапка на невработеност меѓу младите е сигурно една од главните причини. Бидејќи, без сопствени извори на приходи младите тешко можат да си дозволат самостоен живот.

Еманципација или удобноста на семејниот дом?

Но, не е само тоа, тврдат социолозите. Имено, за младите Скандинавци напуштањето на родителскиот дом е одлучувачки чекор кон конечното пораснување и тие сакаат да го направат тоа што е можно побрзо.

Symbolbild Hotel Mama Muttersöhnchen Abnabelung (Fotolia/runzelkorn)

На југот на Европа, пак. семејството е во преден план. Општествените структури се базираат на семејните вредности и кој расте во големо семејство многу полесно се вклопува во општеството, сметаат младите од југот на Европа.

 

DW.COM

Аудио и видео прилози на оваа тема

Реклама