Реклама
Германија
Фотографија на денот: Карневал дома
Без стотици илјади луѓе по улиците и во кафулињата, без конфети и костими - почетокот на карневалот во западна Германија вчера беше невообичаено мирен.
Поради пандемијата на корона оваа година нема карневалски поворки и забранети се групирања и конзумирање алкохол на отворено. Освен тоа, и угостителските објекти се затворени, а на многу од нив има плакати како на нашата #ФотографијаНаДенот, на кои стои: „Оваа година нема карневал. Маска наместо маскарада“. Градоначалничката на Келн, Хенриете Рекер ги повика граѓаните да останат дома, наведувајќки дека како на голема карневалистка „срцето и' крвари“ поради тоа. Но, Рекер додава: „Наредната сезона доаѓа!“
