Како два германски острова речиси три години функционираат без пластика? | Панорама | DW | 20.02.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

Како два германски острова речиси три години функционираат без пластика?

Дали сте подготвени да платите повеќе за одмор без пластика? Заслужено да уживате, а притоа да придонесувате против загадувањето на животната средина. Тоа е можно на два германски острова во Северното море.

Полиетиленски кеси, пластични чаши, цевки и сувенири ... Без сето тоа веќе три години живеат мештаните, но и туристите на два острова во Германија. Пилот проектот се спроведува на островите Фер и Хоге. Северното море е популарно одредиште за одмор за Германците.

Годишно, речиси 20 илјади тони пластичен отпад завршуваат во морето. 70% од отпадот останува на дното на морето и има значителен негативен ефект врз морскиот свет.

На Фер можат да се најдат пластични остатоци само во контејнерите за отпад. Во продавниците има исклучиво хартиени кеси и платнени торби. Во киосците за сувенири нема ниту еден магнет или фигура од пластика.

Гледај видео 01:31

Одмор без пластика

Локалните жители веќе научија како да живеат без работи од полиетилен и пластика. Секаде каде што е можно, тие се заменети со предмети од стакло, дрво, метал и хартија.

На туристите им се нуди само еко-сместување во апартманите и хотелските соби. Сите предмети за домаќинство и за јадење во апартманите се исклучиво од природни материјали. Проектот на островите Фер и Хоге се покажа многу успешен. Па затоа се планира да се прошири и на места на Северното море. Во прв ред, на островот Зилт кој е едно од најпопуларните морски одморалишта во Германија. За волја на вистината одморот на таквите еко-острови и не е баш евтин. Но еколошки освестените туристи велат дека пријатното чувство дека не ѝ се наштетува на природата дополнително го разубавува одморот.

Аудио и видео прилози на оваа тема

Реклама