Каков мебел е во мода?

Екологија и ѕидови- тоа е еден од важните трендови на Меѓународниот саем за мебел во Келн. Ѕидот од мов на фирмата Фројнд посебно ѝ се допадна на идната столарка Софи Каглајн. „Овој материјал е пријатен на допир, и убаво мириса- на природа.“ Мовта е конзервирана со сол на ѕидот и за да ја регулира влажноста на воздухот во просторијата.

Дизајнерските тапети се и натаму во мода. Но, овој фото-текстилен ѕид е вистинска атракција, смета Ленард Бер. Ученикот од едно дизајнерско училиште во овој осветлен ѕид гледа потенцијал и кога се работи за неговиот стан. „Ова е и за млади и за стари- децата можат да го гледаат својот фудбалски тим за кој навиваат, а љубителите на природата можат да уживаат во некоја слика од дивината.“

„Ветсак“ од Кејптаун е за Јасуши Јамазаки удобен, но, иако е кадифето во мода, за овој Јапонец тоа не е привлечно. Во својот интернет-магазин за дизајнери и архитекти ЈДН тој нема да го претстави ова парче мебел. „Во Јапонија куќите се помали отколку во Германија. Вреќата за седење е премногу голема за нашиот животен стил.“

Речиси и да нема посетител, кој, кога ќе помине покрај овие клупи од кедар, не посакава да ги допре. „Обработката е многу добра и тоа се чувствува на допир“, вели Даен Гилмор од Њу Џерси. Американецот тргува со дрвени проиводи. Посебно му се допаѓа идејата за предимензионирани штипки за облека на италијанската фирма Балдесари и Балдесари.

Шарлот Нилсен од колекцијата Лио му се спротиставува на функционалниот тренд. „Јас сум од Данска, сопругот е Грк, а заедно основавме фирма во Индонезија.“ Во Скандинавија се’ е минималистичко. „Ние произведуваме и дански мебел, но со индонезиски црти и тоа од брзо растечко дрво од регионот.“

Становите во големите градови се сѐ поскапи и сѐ помали. Фирмата Германија нуди мебел кој штеди простор- таква е и оваа гардероба. Купувачот има на располагање широка палета бои. Директорот на фирмата Клеменс Девентер го препозна трендот: „Луѓето сакаат ситници кои можат индивидуално да ги обликуваат. Серискиот мебел со помош на бои станува индивидуален мебел.“

„Денес сѐ е филигрански прецизно, детално и лесно, мора да се следи трендот на времето“, велат Јонатан Краус и Јан Вајдлих од Карлсруе. Овие производители на мебел особено се интересираат за комбинации на различни материјали како што се дрво, метал и стакло. Масата „Пил“ на Викторија Вилмото која ја произведе фирмата Калсикон, е целата од огледала.“

„Горда сум на моето момче“, вели кураторката Марва Грифин Вилшир: „Почна со оваа стаклена маса“. Во прашање е младиот дизајнер Себастијан Херкнер. Вилшир е родена во Венецуела. Хекнер го „открила“ во Милано, а неговиот концепт на тркалезни куќи со тркалезен мебел во моментот привлекува големо внимание кај посетителите на Саемот на мебел во Келн.

Серен Маркус сака ред. Освен тоа радо готви во друштво.Така произлегла идејата за неговата мултифункционална кујна „Кохверк“. На ова парче мебел можат да се подготват и да се готват јадења, ама може и да се јаде“, објаснува овој дизајнер од Визмар. Мултифункционалниот мебел е во тренд и Серен Маркус се надева оти ќе најде некого, кој ќе го пласира неговиот производ на пазарот.

Луѓе, мебел и трендови на Меѓународниот саем за мебел во Келн. Младата дизајнерка Дарија Ајвазова на саемот го претстави својот модуларен кујнски систем.