И покрај скандалот, Фолксваген продава наголемо | Економија | DW | 28.07.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

И покрај скандалот, Фолксваген продава наголемо

Се чини дека купувачите не му ги земаа за зло триковите на Фолксваген со дизелот и издувните гасови. Бизнисот и натаму е добар, особено во Кина. За справување со дизел-скандалот концернот има издвоено 16 милијарди евра.

Криза? Каква криза? Фолксваген во јуни продал повеќе од 880.000 автомобили, или речиси 5 проценти повеќе отколку минатата година во истиот период. Сушата по избувнувањето на дизел-кризата се чини е завршена.

Ваквиот развој се должи пред сѐ на, за Фолксваген најважниот пазар, Кина. Повеќе од една третина од испорачаните возила завршиле во Кина, а обртот во јуни е зголемен за 7 проценти.

На тој начин концернот ги компензира загубите на послабите пазари, како САД. Таму во сила и натаму е забраната за продажба на дизел-возилата.

Гледај видео 01:02

Кина го „држи“ Фолксваген

Сепак, товарот од скандалот со издувни гасови е и натаму тежок. Тоа фрла сенка врз билансот од првата половина од годинава. Фолксваген досега издвои речиси 16 милијарди евра за кризата и последиците до неа.

Дали тоа ќе биде и доволно е неизвесно. Меѓутоа, веројатно Фолксваген ќе мора да издвои уште пари.

Аудио и видео прилози на оваа тема

Реклама