Ишингер: Нападите на Трамп против ЕУ се „невоена објава на војна“ | Свет | DW | 18.02.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Ишингер: Нападите на Трамп против ЕУ се „невоена објава на војна“

Доколку претседателот на САД продолжи да поттикнува членки на ЕУ да го следат примерот на Брегзит, тоа ќе значи невоена објава на војна, вели во интервју за ДВ, претседавачот со Минхенската конференција, Волфганг Ишингер

Стабилноста на транс-атлантските односи и НАТО ќе бидат главни теми на годинешната конференција, вели Ишингер во интервјуто за ДВ. Досега, годината не беше добра за мирот и стабилноста на светот. Доколку САД одлучат да ја прекинат поддршката за интегрирана ЕУ тоа може да доведе до најголем можен конфликт меѓу двата трговски и инвестициски партнери, кои се притоа и обострано најзначајни партнери. Тоа ќе биде голема катастрофа, вели Ишингер.

Тој се надева дека САД разбираат оти Европа ќе биде најдобриот партнер за администрацијата на Трамп која се обидува да ја направи „Америка повторно голема“.

Ишингер вели дека е задоволен што администрацијата на Трамп очигледно разбира колку се важни односите и затоа испратила голема делегација во Минхен, предводена од потпретседателот Мајк Пенс. „Не можеме да се жалиме за недостаток на партнери за разговор од САД. Тука во Минхен, конечно треба да престанеме да зборуваме за себе и да почнеме да разговараме едни со други“. Според него, тоа е првиот чекор кон поактивен заеднички напор за крај на конфликтите, како оној во Украина, и да се работи за мир.

 

DW.COM

Поврзана содржина

Реклама