Италија ја надмина Кина по бројот на жртви од коронавирусот | Свет | DW | 19.03.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Италија ја надмина Кина по бројот на жртви од коронавирусот

Италија денеска постави црн рекорд откако ја надмина Кина со најголем број пријавени жртви од новиот коронавирус кој се шири низ планетата. Глобално, бројот на смртни случаи од вирусот надмина 9.000.

Додека Кина јави за првиот ден без нови домашни случаи на коронавирус, сега Европа урива рекорди по бројот на заболени и жртви од Ковид-19. Италијанските власти вечерва пријавија нови 427 смртни случаи, со што вкупниот број достигна 3.405 жртви. Кина, каде вирусот за првпат се појави во декември минатата година, досега има евидентирано 3.245 жртви.
Глобално, бројот на смртни случаи од вирусот надмина 9.000.
Голем број држави преземаат радикални мерки за запирање на вирусот кои најчесто опфаќаат затворање на граници и милијарди евра помош за економијата. Ниту една мерка засега не се покажува успешна против пандемијата- ни бројот на заразени опаѓа, ниту економиите ширум светот покажуваат знаци на заздравување- напротив.

Притоа, паралелно расте стравот дека во Азија доаѓа втор бран на епидемијата. Имено, иако во Кина нема нови домашни случаи, властите велат дека регистрирале 34 случаи на лица кои пристигнале од странство.

Американскиот претседател Доналд Трамп денеска ја обвини Кина дека поради нејзината нетранспарентност, вирусот се раширил низ целиот свет.

„Можеше да биде ограничен во тој регион во Кина каде што започна. И секако светот плаќа висока цена за тоа што го сторија“, рече Трамп.

Frankreich Prinz Albert von Monaco (picture-alliance/MediaPunch/D. Van Tine)

Принцот Алберт од Монако е заразен од коронавирус


Италијанскиот премиер Ѓузепе Конте најави дека националниот карантин ќе биде продолжен до 3 април. И во Франција веќе се размислува за продолжување на двонеделниот карантин кој деновиве го нареди претседателот Емануел Макрон, откако неговиот министер за внатрешни работи ги критикуваше „идиотите“ кои не ги почитуваат апелите за седење дома и ги ставаат другите во ризик.

Болеста притоа не ги поштедува ниту познатите и славните. Меѓу најновите заболени денеска се евидентирани преговарачот на ЕУ за Брегзит Мишел Барние, како и принцот од Монако Алберт Втори.

DW.COM

Реклама