Илјадници Руси на собир за поддршка на своите олимпијци | Панорама | DW | 03.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

Илјадници Руси на собир за поддршка на своите олимпијци

Додека МОК најавува преиспитување на одлуката за доживотна забрана поради допинг за 13 руски спортисти, во Москва се одржа собир на кој илјадници луѓе им изразија поддршка на своите олимпијци.

Меѓународниот олимписки комитет (МОК) денеска соопшти дека ќе је преиспита можноста за укинување на одлуката за доживотна забрана поради допинг за 13 руски спортисти. Тој треба да одлучи дали спортистите би можеле да учествуваат на Зимскиот олимписки игри во Пјеонгчанг.

Доживотна забрана од страна на Меѓународниот спортски суд добија 28 руски спортисти. Од нив двајца би можеле да добијат покана за тренери, а преостанатите 13-мина веќе не се активни, па со самото тоа и не доаѓаат предвид за Олимпијадата.

„Ќе го разгледаме секој случај поединечно пред да донесеме одлука“, изјави денеска портпаролот на МОК, Марк Адамс. Преиспитувањето на одлуката би требало да го прави комисија на МОК под раководство на поранешната француска министерка за спорт, Валери Фурнерон.

Во меѓувреме, во Москва илјадници луѓе им изразија поддршка на своите олимпијци. На собирот се обрати рускиот биатлонец Антон Шипулин:

„Драги сонародници, во нашите вени тече победничка крв. Забраната за мое учество на Олимпијадата ме направи само посилен и ги зајакна моите аспирации да ја бранам честа на рускиот спорт.“

Гледај видео 00:37

Поддршка за руските олимпијци

Учесник на собирот од Владивосток вели:

„Се надевам дека за време на Олимпијадата ќе има натпревар во контекст на Олимписките игри, а не во политички контекст. Како што знаеме, Олимписките игри имаат за цел да ги обединат нациите, луѓето и државите.“

Слични собири за поддршка се одржуваат ширум цела Русија - од Москва до Сибир.

DW.COM

Аудио и видео прилози на оваа тема

Реклама