Илјадници во бегство пред пожарите во Калифорнија | Свет | DW | 17.08.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Илјадници во бегство пред пожарите во Калифорнија

Екстремно сувото и топло време во моментов силно го попречува справувањето со шумските пожари во Јужна Калифорнија. Бројни домови се загрозени од пламените. Десетици илјади ја напуштаат областа источно од Лос Анџелес

Повеќе од 82.600 луѓе се евакуирани поради пожарот кој изби источно од Лос Анџелес, во американската сојузна држава Калифорнија, а гувернерот на Калифорнија, Џери Браун, прогласи вонредна состојба, соопштија денес локалните власти.

Загрозени се околу 34.500 домови, а вонредна состојба е прогласена во областа Сан Бернардино, околу 100 километри источно од Лос Анџелес, се наведува на информативниот сајт Инчивеб.

Неколку дестици згради се уништени, а во борбата со пожарот се вклучени сите владини агенции во Калифорнија. Властите наредија евакуација на над 82.600 луѓе, а затворен е и главниот автопат помеѓу Лос Анџелес и Лас Вегас.

Гледај видео 01:27
Now live
01:27 минути

Огнениот пекол во Калифорнија одблиску

Огнената стихија изби во планинскиот премин Кахон и продолжи да се шири со голема брзина во неколку насоки зафаќајќи и околу 30.000 хектари шума.

Катастрофални пожари зачестија во последните неколку недели во Калифорнија, каде надвор од контрола излегоа 6 од вкупно 20 пожари, колку што избија ширум САД. Сувото време и топлотниот бран со температури преку 35 степени, дополнително ја отежнуваат работата на калифорниските пожарникарски служби и другите спасувачки екипи.

Аудио и видео прилози на оваа тема

Реклама