Заев: или одлука во парламентот или предвремени избори

Македонскиот премиер Зоран Заев вечерва на прес-конференција им честиташе на граѓаните и порача дека референдумот бил успешен. Тој го обвини ВМРО-ДПМНЕ дека стои зад бојкотот на референдумот.

NATO Gipfel in Brüssel Zoran Zaev Premierminister Mazedoniens (Getty Images/AFP/T. Zenkovich)

Премиерот Зоран Заев вечерва го прогласи референдумот за успешен и порача дека опозицијата ќе мора брзо да одлучи дали ќе го прифати Договорот со Грција да се изгласа во Собранието или ќе се соочи со предвремени парламентарни избори.

„Очекувам дека за огромно мнозинство од тие што гласале, иднината е јасна. Гласот на пратениците во Собранието треба да биде глас за конечно членство во НАТО и ЕУ и за подобар живот на нашите деца и сите граѓани“.

Гледај видео 01:41

Заев: Очекувам Собранието да ја следи мнозинската одлука на граѓаните

„Очекувам пратениците на ВМРО-ДПМНЕ да ја почитуваат демократската одлука, во спротивно ќе треба да употребиме друга демократска алатка, а тоа значи предвремени парламентарни избори“, порача Заев.

„Волјата на оние кои гласаа треба да се преточи во политичка активност во законодавниот дом“.

Заев оцени дека граѓаните и институциите спровеле мирен и демократски референдумски ден.

„Гласот даден на референдум е конечен и волјата на граѓаните е неприкосновена и мора да биде почитувана од сите“.
Заев директно го обвини раководството на ВМРО-ДПМНЕ дека стоело зад бојкотот на референдумот со, како што рече, чесни исклучоци.

„Очекувам дека огромно мнозинство го избраа европскиот пат за европска Македонија“, рече Заев.

„Ќе продолжам да ја водам земјата напред. Македонија ќе биде членка на НАТО и ЕУ“.

Повеќе:

Грција го чека исходот во Македонија

„Руската врска“ на бојкотирачите во Македонија

Паднаа маските: ВМРО-ДПМНЕ отворено повика на бојкот!

Според податоците на Државната изборна комисија (ДИК), до 18:30 часот на гласање излегле 620.077 гласачи или 34.72 отсто од вкупниот број запишани избирачи.

Претседателот на ДИК Оливер Дерковски оцени дека изборите поминале во добра атмосфера со неколку инциденти.

На референдумот граѓаните имаа можност да се изјаснат на прашањето „Дали сте за членство во ЕУ и НАТО, со прифаќање на договорот на Република Македонија и Република Грција?“

Лидерот на опозициската ВМРО-ДПМНЕ, Христијан Мицкоски го бојкотираше референдумот изразувајќи на тој начин, според партискиот портпарол, незадоволство од постигнатиот Договор со Грција за името. Сепак, дел од пратениците на партијата, меѓу кои и координаторот на пратеничката група, Драган Данев, пратеничката и претседателка на партиската Унија на жени, Даниела Рангелова и пратеникот Крсто Јовановски, гласале, исто како и градоначалникот на Кавадарци Митко Јанчев.

Договор за решавање на спорот за името

Потпишување

Договорот за решавање на спорот за името во Псарадес, на грчката страна од Преспанското Езеро, го потпишаа министрите за надворешни работи Никола Димитров и Никос Коѕијас. „Горди сме затоа што избравме решение што нѐ обединува“, оцени македонскиот премиер Заев. Неговиот грчки колега Ципрас рече: „Овде сме да ги залечиме раните што ги остави времето, да отвориме пат за мир, братство и пораст“.
Договор за решавање на спорот за името

Роденден

Потпис на договорот стави и долгогодишниот посредник на Обединетите Нации во спорот за името, Метју Нимиц. Потпишувањето се падна токму на неговиот 79-ти роденден. „На членовите на моето семејството им реков дека не сакам подароци за овој роденден, зашто двајца премиери ќе ми дадат еден голем подарок“, рече Нимиц на церемонијата во Псарадес.
Договор за решавање на спорот за името

Вратоврска

Кога по потпишувањето на договорот требаше да се направи семејна фотографија од настанот, македонскиот премиер Зоран Заев, веројатно не сакајќи да се разликува од Алексис Ципрас, кој е познат по тоа што не носи вратоврски, ја извади својата црвена вратоврска и му ја подари на својот грчки колега. Тоа беше поздравено со широки насмевки и громогласен аплауз од присутните.
Договор за решавање на спорот за името

Договорот зачинет со македонска храна и вино

Официјалната средба по потпишувањето во Псарадес се префрли на македонскиот брег на Преспанското Езеро. Двете делегации до Отешево стигнаа по воден пат, со чамци. Во Отешево се водеа билатерални разговори и имаше свечен ручек. На заедничкиот ручек присуствуваа и претставниците на Европската Унија и Обединетите Нации – Федерика Могерини, Јоханес Хан, Метју Нимиц и Розмари Ди Карло.
Договор за решавање на спорот за името

Протести во Скопје

Потпишувањето на договорот за решавање на спорот за името предизвика протести во Македонија. Демонстрантите пред Собранието на 17.06.2018 се судрија со полицијата. Во безредијата имаше повредени и приведени лица. Според полициски наводи, има неколку повредени полицајци, како и над 25 уапсени учесници на протестите. Официјален организатор на протестите нема.
Договор за решавање на спорот за името

Се протестира и во Грција

Во Грција исто така се протестира. Противниците на договорот за решавање на спорот за името во Атина за време на расправата за доверба на владата на Ципрас се судрија со полицијата пред парламентарната зграда (фото: 16.06.2018). Полицијата мораше да употреби солзавец за да ја разбие толпата која се обиде да влезе во парламентарната зграда. Владата го преживеа гласањето.
Договор за решавање на спорот за името

Уште многу работа

Ставањето потпис на Конечната спогодба за решавање на спорот за името е само еден од чекорите кои следуваат во наредните месеци до конечно решение. Следува ратификација во македонското Собрание, референдум на кој македонските граѓани ќе се изјаснат за договорот, а потоа и ратификација во грчкиот парламент.

Автор: Е.М. Фиданоска

DW.COM

Грција го чека исходот во Македонија

Во пресрет на референдумот, грчката опозиција критикува дека владата во Атина на ПЈРМ ѝ подарила македонски јазик, идентитет и култура, и дека тие ќе направат сѐ за да се спречи Договорот од Преспа. (28.09.2018)

„Руската врска“ на бојкотирачите во Македонија

Уверена сум дека Референдумот ќе успее. Затоа што мнозинството на македонските граѓани, независно од етничката припадност, ја научија лекцијата од балканската, но, и од постјугословенската историја. Пишува Кица Колбе (27.09.2018)

Паднаа маските: ВМРО-ДПМНЕ отворено повика на бојкот!

Тајните комитети за бојкот станаа официјални. „Најголем дел од граѓаните одлучуваат да остануваат дома и тоа е она што го очекуваме во недела“, повика вчера потпретседателот на ВМРО-ДПМНЕ, Александар Николоски. (26.09.2018)

Договор за решавање на спорот за името

Договорот за решавање на спорот за името меѓу Македонија и Грција беше потпишан на 17 јуни 2018. Тој би требало да му стави крај на спорот кој трае четврт век. Но, до неговото конечно спроведување има уште работа. (19.06.2018)

Аудио и видео прилози на оваа тема

Заев: Очекувам Собранието да ја следи мнозинската одлука на граѓаните

Датум 30.09.2018
Автор Борис Георгиевски
Теми Северна Македонија, Ѓорге Иванов, Сашо Мијалков, Христијан Мицковски, Стево Пендаровски, Специјално јавно обвинителство, СЈО, Собрание на Република Северна Македонија, Катица Ќулавкова, Универзитет Св. Кирил и Методиј, УКИМ, Шарена револуција
Клучни зборови македонија, заев, референдум, гласање
Ваш коментар: Коментар
Печати Испечати ја страната
Пермалинк https://p.dw.com/p/35l03

Поврзана содржина

Што признаа Заев и Мицкоски 18.11.2019

Заев разбра дека членството во НАТО и преговорите со ЕУ не се пресудни за да се добијат изборите. Мицкоски сфати дека само незадоволството поради компромисите со Грција и Бугарија не е доволно. Пишува Ерол Ризаов.

Zoran Zaev Premierminister von Nord Mazedonien

Заев за Њујорк Тајмс: Француското вето ме уништи психолошки 20.11.2019

Македонскиот премиер Зоран Заев во интервју за весникот Њујорк Тајмс објавено во вторникот предупредува дека запирањето на проширувањето на ЕУ може да предизвика драматични поместувања во целиот регион.