1. Прескокни до содржината
  2. Прескокни до главната навигација
  3. Кон други страници на DW
Griechenland Athen | Treffen | Mitsotakis und Zaev
Фотографија: Gov. of Rep. of North Macedonia

Заев во Атина: Стари пријатели и нови пријателства

Каки Бали
16 септември 2020

Грчкото јавно мислење во моментов не се интересира многу за Северна Македонија, а дури и лутите противници на Договорот од Преспа во владата на Неа Демократија се помирија со него. За ДВ од Атина Каки Бали

https://p.dw.com/p/3iZMz

Веројатно не можат да се наречат љубов на прв поглед, но односите меѓу грчкиот премиер Кирјакос Мицотакис и неговиот колега од Северна Македонија Зоран Заев се подобруваат. Оттука можеби беше очекувано што Заев го одбра патот до Атина, веднаш по изборите и изборот на новата влада во Северна Македонија, заедно со двајцата вицепремиери Никола Димитров и Фатмир Битиќи, и шефот на дипломатијата Бујар Османи.
Заев беше поканет на годишната конференција на магазинот Економист, која се одржува во заливот Лагониси. За жал немаше многу време да ужива во прекрасните води на Атика, затоа што програмата беше преполна. На конференцијата, тој зборуваше за состојбата на Западниот Балкан и за визијата на неговата влада на долгиот пат кон ЕУ. Потоа се сретна со грчката претседателка Катерина Сакеропулу, со својот нов пријател Мицотакис, и со стариот другар, експремиерот Алексис Ципрас.
Времињата се менуваат

За делегацијата од Северна Македонија посетата на Атина не беше многу деликатна. Грчкото јавно мислење во моментов не се интересира многу за Северна Македонија, непријателската клима „против Скопјаните“ е подобрена, а дури и лутите противници на Договорот од Преспа во владата на Неа Демократија се помирија со него.
„Се што стори Мицотакис, откако  беше избран за грчки премиер, е позитивно за Северна Македонија“, изјави Заев за телевизијата Јуроњуз пред средбата со грчкиот колега. И, повеќе или помалку, тоа е точно.
Во Атина се обидуваат да ги заборават жестоките зборови на Мицотакис против Преспанскиот договор од 2018 година, и обвинувањата за „предавство“ против Ципрас, кој го изработи договорот заедно со Заев.
Сега е време за соработка и имплементација на историскиот договор, и „продлабочување на билатералните односи“, како што рече грчката претседателка за време на средбата со Заев.

Griechenland Athen | Treffen | Mitsotakis und Zaev
Кирјакос Мицотакис и Зоран Заев на заедничкиот ручекФотографија: Gov. of Rep. of North Macedonia

Решителна поддршка

Сакеларопулу најави решителна поддршка од Грција за европскиот курс на Северна Македонија, додека Заев зборуваше за „плодовите од Преспанскиот договор“ и за „големиот простор за меѓусебна соработка на Северна Македонија со својот стратешки партнер Грција“.
На ручекот на двајцата премиери на менито беше развојот на меѓусебната економска соработка на двете земји. „Ајде да соработуваме, да развиваме бизниси, да им го подобриме животот на нашите граѓаните“, беше мотото на Мицотакис. Разговараа и за европската перспектива на Северна Македонија, откако конечно беше обезбеден влезот во НАТО.
За време на посетата на Атина, Заев ја коментираше и напнатоста во источниот Медитеран и побара дијалог меѓу Атина и Анкара.
„Темата е важна за целиот регион, не само за Грција и Турција“, рече Заев. Според него, единствениот начин да се решаваат проблеми меѓу соседите е дијалогот- а тој знае колку е тоа тешко. Сепак се надева дека Атина и Анкара ќе успеат да најдат решение.
Пред да замине од Атина, вечерва Заев има уште една средба. Со неговиот преспански другар Ципрас. Таа ќе биде и најсрдечна...

Nord-Mazedonien Premierminister Zoran Zaev und sein Gast Alexis Tsipras in Skopje
Алексис Ципрас и Зоран Заев во СкопјеФотографија: Imago Images/ZUMA Press
Прескокни го блокот Повеќе на оваа тема

Повеќе на оваа тема

Прескокни го блокот Тема на денот

Тема на денот

Димитар Апасиев, лидер на Левица

Колку многу агенти

Mazedonien Ljupco Popovski
Љупчо Поповски
Прескокни го блокот Повеќе теми
Врати се на почетната страница