Жестока акција на НАТО во Авганистан | Свет | DW | 04.09.2006
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Жестока акција на НАТО во Авганистан

Многу жртви и уапсени во акцијата Медуза на НАТО во Авганистан за борба против бунтовниците во земјата.

Војници во составот на ИСАФ

Војници во составот на ИСАФ

Во голема офанзива на војниците на НАТО во Авганистан се ликвидирани повеќе од 200 Талибанци, а загинаа и четворица војници на Алијансата. Стотина војници со помош на авиони и хеликоптери учествуваа во операциите на југот на Авганистан. Во соопштението се наведува дека во Операцијата Медуза авганистанските сили заробиле и над 80 Талибанци.

Повеќе од 2000 лица, воглавно бунтовници, но и цивили и хуманитарни работници, загинаа во борбите во Авганистан само годинава. Последниот биланс вели и дека од почетокот на годинава до сега загинале и 110 странски војници кои се во мировна мисија во земјата. На прашањето дали НАТО има доволно капацитет и сили да се справи со бунтовниците во Авганистан, портпаролот во НАТО, Марк Лејти изјави:

„Ако имавме повеќе ресурси дали можевме да направиме нешто повеќе и побрзо? Да, секако. Но, дајте да видиме што се прави со овие ресурси и капацитети кои ги имаме кои не се за потценување. Операцијата Медуза ја покажа моќта на трупите на ИСАФ, а Талибанците го увидоа тоа,“категоричен е Лејти.

Реклама