ЕУ воведе казнени мерки против Иран | Свет | DW | 09.01.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

ЕУ воведе казнени мерки против Иран

Европската унија ја обвинува тајната служба на Исламската република дека е вмешана во атентати врз противници на режимот, извршени во Франција, Данска и Холандија.

Европска унија воведе санкции против иранската разузнувачка служба и две официјални ирански лица кои се обвинети дека се вмешани во серија убиства и заговори насочени против дисиденти во Холандија, Данска и во Франција.

Одлуката беше едногласно донесена од сите земји членки на ЕУ. Одлуката е донесена во момент кога Хаг денеска за првпат го обвини Техеран за вмешаност во убиствата на двајца дисиденти на холандска територија во 2015 и 2017 година, поради што се протерани двајца ирански дипломати.

Европски санкции се воведени против Управата за внатрешна безбедност на иранската разузнавачка служба и на две официјални лица од тоа одdеление, вклучувајќи го Саеид Хашеми Могадам, соопшти данското министерство за надворешни работи.

Според санкциите, имотот на оваа управа и на овие луѓе е замрзнат.

Врз основа на информациите на разузнувачките служби од повеќе европски земји ЕУ процени дека веројатно Иран е вмешан во убиствата и во заговорот планиран и спроведен на територија на Европа.

Холандската влада јавно го обвини Иран за планирање, како и за два изведени атентата во 2015 и 2017 година во писмо до парламентот на кој му се заканува со дополнителни економски санкции ако Иран не соработува со европските истражители, пренесува радио Слободна Европа. Иран негираше каква било врска со атентатите, наведувајќи оти цел на обвинувањата е да им се наштети на европско-иранските односи.

Реклама