Ескалација на протестите во Казахстан - убиени повеќе демонстранти | Свет | DW | 06.01.2022
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Ескалација на протестите во Казахстан - убиени повеќе демонстранти

Десетици демонстранти се убиени во судирите со полицијата на протестите во стопанската метропола Алмати, според извештаи од Казахстан. Жртви има и меѓу полицајците

„Екстремистичките сили“ се обидоа да продрат во управната зграда, како и во централата и повеќе полициски објекти во Алмати, изјавил полицискиот портпарол Салтанат Асирбек за новинските агенции Интерфакс-Казахстан, Тасс и Риа Новости. Десетици  напаѓачи „биле елиминирани“.

Казахстан моментно е потресуван од досега  невидени немири.  Протестите првично беа усмерени против растечките цени на течниот гас, но по неколку дена се претворија во антивладини демонстрации и се проширија низ целата земја.

Kasachstan Protest Almaty

Слики од немирите во Алмати

Во економската метропола  Алмати  вчера илјадници луѓе продреле во седиштето на градската управа и во други владини објекти, повеќе од зградите биле запалени.

Во немирите биле убиени најмалку осум полицајци и 317 повредени, јавуваат казахстанските медиуми, повикувајќи се на информации од Министерството за внатрешни работи. Интернет страниците на казахстанските медиуми не се достапни од странство, затоа ситуацијата не е целосно јасна.

Претседателот на државата Касим Жомарт  Токаев  вовел вонредна состојба поради безредијата, во цела земја е во сила полициски час, ограничувања на патувањата и забрана за одржување собири. Воен сојуз предводен од Москва најави испраќање „мировни трупи“ во Казахстан.