ЕК e за отворање ново поглавје со Турција | Свет | DW | 09.09.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

ЕК e за отворање ново поглавје со Турција

И покрај острите мерки што турското раководство ги презема во земјата по обидот за пуч, ЕК се држи цврсто до контроверзниот процес на приклучување на Турција кон ЕУ.

„Турција беше, е и ќе биде кандидат за членство“, изјави денеска во Анкара еврокомесарот Јоханес Хан.

По дијалогот ЕУ-Турција, Хан и турскиот министер за европски прашања Омер Челик се изјаснија за отворање на поглавјата 23 и 24. Тие се однесуваат, меѓу другото, на правосудството и основните права и слободи. Хан изјави дека ЕК почнала со подготовки, а остатокот зависи од земјите членки на ЕУ.

Во судирот околу визната либерализација за Турција, Хан и турскиот министер за надворешни работи Мевлут Чавушоглу изразија оптимизам дека ќе се најде решение. Предуслов за тоа, според ЕУ, е промена на турските антитерористички закони. Челик и Чавушоглу предлагаат за надминување на конфликтот да се вклучи и Советот на Европа.

Гледај видео 01:08
Now live
01:08 минути

Турција и ЕУ не се оддалечуваат

Аудио и видео прилози на оваа тема

Реклама