Експлозија во станица за дистрибуција на гас во Австрија | Панорама | DW | 12.12.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Експлозија во станица за дистрибуција на гас во Австрија

Причина за силната експлозија во станицата за дистрибуција на природен гас во Баумгартен е веројатно технички дефект. Загина едно лице, а десетици се повредени. Облакот чад се гледа од километри далечина.

Според првите сознанија на полицијата, силната експлозија во третата по големина австриска станица за дистрибуција на гас се должи на технички причини. Криминалистичката служба ја презема истрагата, соопшти полицијата преку Твитер. Засега е потврдено загинувањето на едно лице, а најмалку 18 се повредени. Еден од нив морало со санитетски хеликоптер да биде пренесен во најблиската клиника. Екипите за спасување тврдат дека никој надвор од округот на станицата не е повреден. Исто така и штетите се ограничени на теренот на кој се случи инцидентот. Во пожарот настанат како последица на експлозијата се уништени повеќе објекти и возила. Облакот чад можел да се види и од 30 километри оддалечената Виена.

Станицата за гас во Баумгартен е централна клучка за распределба на природен гас во Европа. Со годишен капацитет од 40 милијарди кубни метри преку неа се распределува гасот од Русија и Норвешка пред сѐ кон Италија и Германија, како и кон земјите од Балкан. Баумгартен се наоѓа на границата кон Словачка.

Гледај видео 00:22

Експлозија во станица за гас во Австрија

 

Аудио и видео прилози на оваа тема

Реклама