Експлозии во Дортмунд, повреден еден фудбалер | Свет | DW | 11.04.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Експлозии во Дортмунд, повреден еден фудбалер

Автобусот на фудбалерите на Борусија Дортмунд е оштетен, а еден играч е повреден откако три експлозии одекнале во близина на тимскиот автобус кој бил на пат кон стадионот во Дортмунд за натпреварот од четвртфиналето на Лигата на Шампионите против францускиот Монако. 
Мечот е откажан и презакажан за утре. 
Полицијата во Дортмунд соопшти дека автобусот е оштетен на две места, и искршени се неколку прозорци. 
„Се уште не можеме да кажеме што ја предизвикало експлозијата и што експлодирало“, соопшти германската полиција. 

Explosionen an BVB-Bus (picture alliance/dpa/C.Linhoff)

Фудбалерите на Борусија по инцидентот


Од фудбалскиот клуб Борусија потврдија дека е повреден шпанскиот интернационалец Марк Бартра. Тој се наоѓа во болница, а повредите не се од потешка природа. 
Инцидентот се случил веднаш откако тимскиот автобус го напуштил хотелот во кој биле сместени фудбалерите и се упатил кон стадионот. Неофицијалните информации се дека се работело за бомби. 
Гледачите во меѓувреме го напуштија стадионот во Дортмунд, а полицијата соопшти дека тие не биле во никаква опасност. 

Реклама