Европскиот парламент повика на преговори со Скопје и Тирана | Северна Македонија | DW | 24.10.2019

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Европскиот парламент повика на преговори со Скопје и Тирана

Со големо мнозинство, пленумот во Стразбур денеска ја изгласа резолуцијата со која се критикува одлуката од Самитот во Брисел и се бара итен почеток на преговори со С. Македонија и Албанија.

Со големо мнозинство од 412 гласа „За“, 136 „против“ и 30 отсутни, Европскиот парламент попладнево ја изгласа резолуцијата со која се бара од ЕУ да започне пристапни преговори со Северна Македонија и Албанија.
Парламентот изразува „длабока разочараност“ и смета дека одбивањето на лидерите на ЕУ да им ги отворат вратите на двете земји е „стратешка грешка“, која го нарушува кредибилитетот на ЕУ и испраќа негативна порака кон другите земји кандидати. Ветото во Брисел може да им ги отвори вратите и на други странски актери- чии активности не се во согласност со вредностите и интересите на ЕУ- да се ангажираат подлабоко С. Македонија и Албанија, наведуваат пратениците во резолуцијата.
Притоа, Европскиот парламент оценува дека предложената реформа на процесот на проширување кој го бараат Франција и други земји, не смее да ги попречува Скопје и Тирана, кои веќе ги исполнија барањата.
„Овие земји треба да бидат оценувани според објективни критериуми, а не да им се суди според внатрешните политички агенди во други земји“, се наведува во текстот, алудирајќи на Франција. 

Повеќе за дебатата во ЕП прочитајте тука: 
Голема поддршка за С. Македонија и осуда на Франција во Европскиот парламент

Со резолуцијата се бара од членките на ЕУ да се однесуваат одговорно кон двете балкански земји, и веќе на следниот состанок да се донесе едногласна одлука за отворање на преговорите.
Освен Франција, резолуцијата ги наведува и Холандија и Данска, како земји кои ја блокирале одлуката за проширувањето за Албанија.

Европските пратеници вчера (23.10) дебатираа за исходот од самитот во Брисел. Најголемите политички групации во Европскиот парламент и дадоа неподелена поддршка на С. Македонија за почеток на преговорите со ЕУ.

За резолуцијата гласаа и мнозинството пратеници од групацијата на Либералите кон која припаѓа и партијата на францускиот претседател Емануел Макрон.

DW.COM