Дојче веле поднесе тужба против турско министерство | Свет | DW | 26.09.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Дојче веле поднесе тужба против турско министерство

ДВ поднесе тужба пред суд во Анкара против турското Министерство за млади и спорт поради конфискување на едно интервју со ресорниот министер. Тој потег на турските власти предизвика бурни реакции ширум светот.

Непосредно по снимањето на ТВ-интервјуто за емисијата на ДВ „Зона на конфликти“ (Conflict Zone) кое во Анкара, на 5 септември. го водеше со водителот Мишел Фридман, турскиот министер за млади и спорт Акиф Чагатај Килич (на фотографијата десно) наложи видео-материјалот да се заплени.

ДВ потоа им даде рок на турските власти да го вратат снимениот материјал до наредното претпладне, но Министерството се оглуши на барањето, исто како и на наредното барање и вториот рок кои на турската страна им ги дадоа адвокатите на Дојче веле. Сега ДВ поднесе тужба пред судот во Анкара.

Генералниот директор на ДВ Петер Лимбург ја осуди постапката на турските власти. „Тоа нема никаква врска со правна држава и демократија. Сега по правен пат од турската страна бараме без одолговлекување да ни го врати нашиот видео-материјал.“

GMF 66 | Closing Ceremony Peter Limbourg (DW/K. Danetzki)

Петер Лимбург, генерален директор на ДВ

Управниот одбор на ДВ му даде категорична поддршка на овој чекор. Претседателот на одборот Карл Јистен изјави: „Ние се залагаме за неограничена слобода на медиумите. Турција е тесно поврзана со Европа, а тоа подразбира и почитување на основните демократски начела како што е слободата на медиумите. Тука мора да важат слични стандарди. Вознемирувачки е тоа што ДВ мора да поднесе тужба пред суд за да ја добие назад снимката со интервјуто со турскиот министер.“

Освен тоа, Управниот одбор го пзодрави новинарскиот ангажман на ДВ по прашањето на Турција  и на читателите од Германија кои зборуваат турски јазик. Тоа тело истовремено бара за ДВ „да се обезбедат соодветни финансиски средства“ за да може да ја оправда својката одговорност како објективен понудувач на информации во еден политички значаен регион. „Не можеме да го прифатиме она што се случува во Турција во врска со слободата на медиумите. Задача на ДВ е да ги информира сеопфатно и објективно луѓето во таа земја и да ги пренесе ставовите на Германија“, изјави Јистен.

Гледај видео 26:09
Now live
26:09 минути

Гостин во „Зона на конфликти“ на крајот на мај беше и македонскиот министер Никола Попоски

Во емисијата „Зона на конфликти“ на ДВ се интервјуираат познати политички личности од цел свет. Разговорите на англиски јазик по правило будат меѓународен интерес, особено во земјите од кои доаѓаат личностите кои се интервјуираат. Стилот на разгвоор со емисијата е конфронтативен. „Conflict Zonе“ е тврда вербална битка околу позициите и вистината. Водителите - Тим Себастијан и Мишел Фридман - непопусливо го преиспитуваат она што нивните гости го прават на политичката сцена.

 

Аудио и видео прилози на оваа тема

Реклама