Папата Франциско денеска повторно повика на вакцинација против коронавирусот. „Здравствената грижа е морална обврска“, рече Папата во обраќањето за време на новогодишниот прием на дипломатите акредитирани во Ватикан. Денешниот повик е досега е најјасниот апел на поглаварот на римокатоличката црквата за време на пандемијата на коронавирусот, оценуваат набљудувачите.
Освен тоа, папата Франциско денеска ги осуди неоснованите идеолошки дезинформации за вакцините против Ковид-19, поздравувајќи ги националните кампањи за вакцинација.
Папата Франциско го одржа своето годишно обраќање повеќе 200 дипломати акредитирани во Ватикан. „Гледам дека на оние места каде што се изврши ефикасна кампања за вакцинација се намалија ризиците од тешки последици од болеста. Поради тоа важно е да се продолжи со имунизација на општата популација што е можно повеќе“, рече папата, кој и' посвети на пандемијата пет од вкупно 6 страници долгото обраќање.
-
Вакцини- адути на човештвото против Ковид-19
Бионтек/Фајзер: почеток на иРНК-револуцијата
Првата вакцина против Ковид-19, одобрена за употреба во САД и во ЕУ, беше вакцината на германските научници со турски корени Угур Шахин и неговата сопруга Озлем Туречи. Нивната фирма Бионтек од Мајнц влезе во сојуз со американскиот гигант Фајзер. Медиумите почнаа да зборуваат за „револуција“ во фармацевтската индустрија, откако е создадена првата иРНК вакцина.
-
Вакцини- адути на човештвото против Ковид-19
Модерна: родум од универзитетот Харвард
Американската компанија за биотехнологија Модерна е специјализирана и за РНК технологии, кои се сметаат за нов чекор во медицината. Нејзиното седиште се наоѓа во Кембриџ, Масачусетс, во близина на универзитетот Харвард, чии научници ја основаа компанијата во 2010 година. Вакцината на Модерна, создадена со финансиска поддршка од властите, беше втората корона-вакцина регистрирана во САД и во ЕУ.
-
Вакцини- адути на човештвото против Ковид-19
АстраЗенека: „Оксфордската вакцина“
Научниците од Универзитетот Оксфорд во соработка со британско-шведската компанија АстраЗенека вршеа клинички испитувања и производство на нивната вакцина. Таа во голема мерка се користи во Велика Британија, ги исполнува условите во ЕУ и активно се користи во земјите во развој, бидејќи „вакцината од Оксфорд“ има многу ниска цена. Така, таа се произведува во Индија за локалниот пазар и за извоз.
-
Вакцини- адути на човештвото против Ковид-19
Спутник V: првата одобрена вакцина во светот
Во август 2020, Русија објави дека прва во светот регистрирала вакцина против коронавирусот наречена Спутник V. Масовната вакцинација на руското население официјално започна во јануари 2021. Оваа векторска вакцина, изработена од научниците од Московскиот центар Гамалеја, се промовира на странските пазари од страна на Рускиот фонд за директни инвестиции.
-
Вакцини- адути на човештвото против Ковид-19
Џонсон и Џонсон: доволна е една доза
Американска корпорација Џонсон и Џонсон е еден од шесте производители на корона-вакцини со кои ЕУ склучи прелиминарни договори за снабдување. Од нејзината векторска вакцина потребна е само една доза, а не две како останатите и се чува во конвенционални фрижидери. За ЕУ оваа вакцина, која доби дозвола за употреба на 11.03. ќе ја произведува белгиската сестринска фирма на Џонсон и Џонсон - Јансен.
-
Вакцини- адути на човештвото против Ковид-19
Синовак: тивкиот конкурент од Кина
Без многу врева и детални извештаи за клиничките испитувања, Кина разви најмалку три вакцини. Една од нив, создадена од деактивиран коронавирус, Синовак Биотек ја тестираше во неколку азиски земји, вклучувајќи ја и Индонезија, која потоа веднаш ја нарача. Да им даде пример на своите сонародници, претседателот на Индонезија, Џоко Видодо, прв се вакцинираше.
-
Вакцини- адути на човештвото против Ковид-19
Синофарм: Првата кинеска вакцина
Станува за вакцина со „деактивиран“ вирус која државната компанија ја разви во соработка со Институтот за вирологија од Вухан. Овој вид на вакцини се користи веќе со децении, со добри резултати во пракса. Вакцината која веќе се користи во Србија и во Унгарија, беше првата која доби одобрение за употреба од кинеските власти.
-
Вакцини- адути на човештвото против Ковид-19
Новавакс: Нова надеж
Американската фармацевтска компанија Новавакс објави дека нејзината вакцина е 96 процентно ефикасна против оригиналниот вирус и 86 проценти против британскиот сој. Тоа произлегува од студијата што Новавакс ја спроведуваше во Велика Британија. Вакцината може да биде одобрена за употреба во САД уште во мај, доколку властите утврдат дека податоците од Велика Британија се доволни, соопшти компанијата.
-
Вакцини- адути на човештвото против Ковид-19
КјурВак: Печатач за вакцини на Тесла
Втората германска иРНК вакцина, која се очекува да биде регистрирана до лето, ќе биде произведена и извезена на глобално ниво од компанијата КјурВак од Тибинген, во партнерство со концернот Баер. Но, ќе биде можно таа да се направи директно во клиниките ширум светот. Елон Маск (втор од лево) демонстрираше мобилен печатач на вакцини создаден од германската сестринска фирма Тесла Громан.
-
Вакцини- адути на човештвото против Ковид-19
Санофи: два неуспеха и помош за Европска унија
Француската компанија Санофи е еден од најголемите светски производители на вакцини. Но, овојпат тоа не и' успеа - двапати: ни заедничкиот развој со британската ГлаксоСмитКлајн, ниту обидот за создавање иРНК вакцина досега не дадоа резултати. За да помогне во обезбедувањето на вакцини за земјите од ЕУ, нејзината фабрика во Франкфурт на Мајна ќе произведе 125 милиони дози од вакцината на Фајзер.
Автор: СН/дв, Андреј Гурков
Тој предупреди на мешање на идеологиите во кампањата за вакцинација. „За жал, гледаме дека во светот има сѐ повеќе идеолошки поделби. Луѓето често дозволуваат на нив да влијае идеологијата на моментот, засилена со неосновани информации или со лошо поткрепени факти“, нагласи папата Франциско.
„Вакцините не се маѓично средство за лечење, но секако претставуваат, со останатите лекови кои треба да се развијат, најразумна солуција за запирање на болеста“, додаде тој.
Поглаварот на католичката црква е целосно вакциниран, а во своето обраќање повика и на праведна дистрибуција на вакцините за сиромашните нации, како и напуштање на „монополитичките правила“ околу патентите за вакцините поради поголемо добро.
