Доналд Трамп е избран за претседател на САД | Свет | DW | 09.11.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Доналд Трамп е избран за претседател на САД

Републиканскиот кандидат Доналд Трамп ќе биде 45. американски претседател откако извојува победа над кандидатката на демократите, Хилари Клинтон.

САД го добија својот 45. претседател. Доналд Трамп извојува  убедлива победа на претседателските избори против Хилари Клинтон, која во телефонски разговор му ја честита победата.

„Време е Америка да ги залечи раните и поделбите да бидат надминати“. Ние сме обединет народ“, рече Трамп во славеничкото обраќање до неговите приврзеници во изборниот штаб во Њујорк.

Во 8 часот и 47 минути по локално време, Трамп со своето семејство и соработниците излезе пред воодушевените приврзаници.
Во неговите први зборови тој објави дека зборувал телефонски со Хилари Клинтон, која како што кажа му ја честитала победата. „ Хилари Клинтон ни честита нам. Станува збор за нас. Хилари долго работеше за нашата земја и и должиме благодарност. Тоа го мислам многу сериозно“, истакна Трамп дополнувајќи дека сега е време за надминување на поделбите во земјата.

Гледај видео 00:35

Еуфорија во изборниот штаб на Трамп


Трамп во обраќањето порача дека секој Американец и секоја Американка ќе добијат шанса да го остварат својот сон и потенцијал“. Новоизбраниот претседател најави вложувања во инфраструктурата, обнова на земјата и ги охрабри Американците да имаат „храбри соништа“.

Новиот претседател имаше и порака за светската јавност која истотака со големо нетрпение ги исчекуваше резултатите од претседателските избори во САД. 

„Ќе се согласуваме со сите држави кои сакаат да се согласат со нас. сакам да му порачам на светот дека иако секогаш ќе ги ставаме сопствените интереси на прво место, ќе ги уважуваме интересите буквално на сите. Ќе бараме партнерства а не судири“, рече Трамп во говорот, кој нималку не наликуваше на оние кои ги држеше во предизборната кампања. 

Тој му се заблагодари на неговото семејство за поддршката во политичката битка. „Предизборната кампања е додуша завршена, но работата за движењето кое го создадовме почнува дури сега. Се надевам дека луѓето ќе бидат горди на својот претседател“ , истакна Трамп на крајот на своето обраќање. 

Со победата на Трамп над Хилари Клинтон, воедно завршува и осумгодишната доминација на демократите во Белата Куќа. Трамп според прогнозите успеа да освои 276 електорски гласови, што значи шест повеќе од неопходните 270. 

Аудио и видео прилози на оваа тема

Реклама