1. Прескокни до содржината
  2. Прескокни до главната навигација
  3. Кон други страници на DW
Nordmazedonien Premierminister Dimitar Kovacevski
Фотографија: Government of North Macedonia

Ковачевски од Брисел го отфрли францускиот предлог

ДТЗ
23 јуни 2022

Македонскиот премиер Ковачевски од Брисел изрази незадоволство поради бавниот тек на евроинтеграцијата и порача дека францускиот предлог е неприфатлив за земјата

https://www.dw.com/mk/%D0%B4%D0%B8%D0%BC%D0%B8%D1%82%D0%B0%D1%80-%D0%BA%D0%BE%D0%B2%D0%B0%D1%87%D0%B5%D0%B2%D1%81%D0%BA%D0%B8-%D0%B3%D0%BE-%D0%BE%D1%82%D1%84%D1%80%D0%BB%D0%B8-%D1%84%D1%80%D0%B0%D0%BD%D1%86%D1%83%D1%81%D0%BA%D0%B8%D0%BE%D1%82-%D0%BF%D1%80%D0%B5%D0%B4%D0%BB%D0%BE%D0%B3-%D0%B1%D0%B0%D1%80%D0%B0%D0%BC-%D0%B4%D0%B0-%D1%81%D0%B5-%D0%BF%D0%BE%D1%87%D0%B8%D1%82%D1%83%D0%B2%D0%B0-%D0%BC%D0%BE%D1%98%D0%BE%D1%82-%D0%BD%D0%B0%D1%80%D0%BE%D0%B4/a-62236759

Македонскиот премиер Димитар Ковачевски од Брисел порача дека францускиот предлог, во сегашната форма е неприфатлив за него. „Францускиот предлог во ваква форма е неприфатлив за мене, за претседателот на државата, за Владата и за коалиционите партнери и за граѓаните на Северна Македонија. Доколку во текот на француското претседателство дојде до разбирање за нашите позиции, спремни сме да се вклучиме во преговорите до крајот на јуни“, порача македонскиот премиер Димитар Ковачевски од Брисел, на заедничка прес-конференција со албанскиот премиер Еди Рама и претседателот на Србија, Александар Вучиќ. 

Ковачевски е дециден дека никој не може без „наша согласност да ни наметне решение“ и повика дека сега Европската Унија е на потег. Тој ги повтори црвените линии кои што ги истакна и пред заминувањето за Брисел, а тоа е чиста формулација на македонскиот јазик и заштита на македонскиот идентитет во преговарачката рамка. 

Ковачевски изрази незадоволство од динамиката на која се одвиваат процесите за пристап и почеток на преговори со ЕУ.  

„Ова што се случува е сериозен удар врз кредибилитетот на ЕУ, губиме драгоцено време, регионот тапка во место. Не смееме да дозволиме билатералните прашња да станат мултиратерален проблем“, дециден е  Ковачевски.  

Тој потенцираше дека земјата има посветено многу внимание и време за иднината и за изнаоѓање решенија кои ќе го деблокираат процесот кон ЕУ. „Но Бугарија реши да се врати во минатото и да постави блокада која на никого не му оди во прилог. Донесовме многу тешки одлуки, време е ЕУ да ги исполни своите ветувања пред да даде нови“, рече Ковачевски. 

Прескокни го блокот Тема на денот

Тема на денот

Членството во Европската политичка заедница не е замена за членството на С.Македонија во ЕУ, во повеќе наврати беше нагласено во Брисел

Прашки самит, европска зима и македонски очекувања

Прескокни го блокот Повеќе теми

Повеќе теми

Врати се на почетната страница