ДИК му го врачи уверението на Иванов | Македонија | DW | 02.05.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

ДИК му го врачи уверението на Иванов

Бедредин Ибраими, член на Државната изборна комисија (ДИК), денеска (2.05) му го врачи уверението за нов претседателски мандат на Ѓорге Иванов.

Претседателот на ДИК Никола Рилкоски, иако претходно беше најавено, не му го врачи уверението на Иванов, туку тоа го стори Бедредин Ибраими.

Кандидатот на ВМРО-ДПМНЕ и коалицијата „За подобра Македонија“, Ѓорге Иванов, на последните избори што се одржаа на 13-ти (прв круг) и 27-ми април (втор изборен круг) освои втор претседателски мандат.

Според конечните резултати на ДИК, за Иванов во вториот круг од претседателските избори гласале 534.910 избирачи (55.28%), додека неговиот противкандидат од СДСМ и коалицијата, Стево Пендаровски, освои 398.077 гласови (41.14%).

На вториот круг од претседателските избори гласале 967.694 избирачи односно 54,38 проценти од вкупно 1.779.572 запишани во Избирачкиот список.

Реклама