Две години од крвавиот упад во Собранието | Северна Македонија | DW | 27.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Две години од крвавиот упад во Собранието

На 27 април пред две години се случи „крвавиот четврток“, кога лица со фантомки и маса луѓе насилно упаднаа во македонскиот парламент.

Пред две години, на 27 април 2017 година, учесници во протестите организирани од граѓанската иницијатива „За заедничка Македонија“, кои бараа отфрлување на т.н. „Тиранска платформа“ и одржување нови парламентарни избори, насилно упаднаа во македонскиот законодавен дом.

Упадот се случи во 19 часот, кога маскирани лица беа пропуштени од собраниското обезбедување и упаднаа во салата за новинари. Настанот резултираше со агресија и дивеење на протестирачите, кои физички нападнаа повеќе пратеници и новинари. Со тешки телесни повреди се здобија Зоран Заев, Зијадин Села, како и Радмила Шекеринска.

Mazedonien Skopje Ausschreitungen Parlament Parlamentarier (Reuters/O. Teofilovski)

Во упадот во Собранието во 2017 година беше повреден сегашниот премиер Зоран Заев

По големиот судски процес за насилниот упад, на затворска казна од вкупно 211 години неодамна беа осудени 16 обвинети, меѓу кои и екс-директорот на БЈБ, Митко Чавков. Тие се неправосилно осудени за терористичко загрозување на уставниот поредок и безбедноста. Процесот се водеше против вкупно 33 лица, а по донесувањето на Законот за амнестија беа амнестирани 15 од нив.

Гледај видео 01:34

Трагите на „крвавиот четврток“

Претходно, за обид за убиство и учество во толпа беа осудени уште деветмина, а затворски казни добија и лицата кои се обидоа да го убијат Зијадин Села.

И по две години од настанот, Обвинителството за гонење на организиран криминал и корупција сѐ уште нема подесено обвинение за организаторите на настанот. Меѓу нив се осомничени бегалецот- поранешниот македонски премиер Никола Груевски кој се наоѓа во Унгарија, поранешниот претседател на Собранието- Трајко Вељаноски, екс-министерите Миле Јанакиески и Спиро Ристовски, како и бегалецот во Грција-  Никола Бошкоски.

Од Обвинителството соопштија дека истрагата е отворена и до крајот на мај се очекува да подигнат обвинение.

DW.COM

Аудио и видео прилози на оваа тема

Поврзана содржина

Реклама