Двајца победници, се чека на ДИК | Македонија | DW | 12.12.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Двајца победници, се чека на ДИК

ДИК денеска треба да соопшти освоените мандати по партии. Резултатот меѓу двете коалици е тесен, ВМРО ДПМНЕ има мала предност.

Државната изборна комисија денеска треба да ги соопшти освоените мандати по партии. Според нецелосно преброените гласови,

ВМРО-ДПМНЕ засега има 452.709 гласа, а Социјалдемократскиот сојуз има 436.439, со што разликата меѓу двете партии се сведе на 1,37 отсто.

Според бројот на гласови на трето место е ДУИ, со 86.812 гласа, четврта е Беса со 57.927, а петта ДПА со 31.017.

Претседателот на ДИК, Александар Чичаковски најави дека бројот на освоени мандати ќе биде објавен денеска.

Синоќа лидерите и на ВМРО-ДПМНЕ и на СДСМ, Никола Груевски и Зоран Заев прогласија победа.

„Во моментов опозицијата предводена од СДСМ заедно со граѓаните има еден мандат повеќе", изјави пред полноќ лидерот на СДСМ Зоран Заев, на прославата пред Владата.

„Ги чекаме резултатите, но во моментот водиме со еден мандат повеќе. Падна режим со пенкало, со глас. Победи животот", рече Заев пред приврзаниците.

„Победник на овие избори е ВМРО-ДПМНЕ", соопшти половина час по полноќ партискиот лидер, Никола Груевски, и им се заблагодари на сите граѓани кои гласале на изборите, а посебно на оние кои гласале за неговата партија.

Гледај видео 02:06

Двете коалиции слават победа

 

Аудио и видео прилози на оваа тема

Реклама