Двајца војници на КФОР ранети во Косово

Како што соопштија од меѓународните мировни сили на Косово, нивните војници успеале уличната блокада во Зупче, во близина на границата со Србија, да ја стават под своја контрола. Во тој момент српските демонстранти пукале во војниците и раниле двајца од нив. Не се соопштени детали за состојбата на повредените.

Состојбата на границата меѓу Косово и Србија веќе неколку месеци е затегната. Србите протестираат против преземањето на граничните премини Јариње и Брњак од страна на косовски полицајци и царински службеници.

Автор: ЖА/АТ/дапд

Редактор: Горан Чутаноски