Дали некогаш ќе биде откриено потеклото на коронавирусот?

Ако се суди според новата проширена истрага на американските тајни служби шансите се мали дека некогаш ќе биде откриено потеклото на коронавирусот. Тие се меѓутоа сигурни дека патогенот не е биолошко оружје.

Кинески војници го обезбедуваат Институтот за вирологија во Вухан, градот каде избувна првичната епидемија на коронавирусот

Американските разузнавачки агенции соопштија дека можеби никогаш нема да можат да го откријат потеклото на коронавирусот, но заклучиле дека тој не е создаден како биолошко оружје.

Во ажурираната проценка за потеклото на коронавирусот, канцеларијата на директорот на националното разузнавање на САД соопшти дека преносот на коронавирусот од животно на човек и истекувањето на вирусот од лабораторија се прифатливи хипотези, но нема доволно докази за да се донесе таков заклучок.

Наодите се објавени во извештајот на канцеларијата кој беше декласифициран. Станува збор за ажуриран извештај објавен во август, по 90 дена дополнителна истрага на потеклото на коронавирусот.

Вухан: Една година по избувнувањето на пандемијата

Рамо до рамо на преполните пазари

Вухан беше во карантин околу 11 недели откако стана првото глобално жариште на коронавирусот. До средината на мај 50.000 од 80.000 од официјалните случаи на заразата во Кина беа во Вухан. Но, сега животот речиси е вратен во „нормала“ на преполните улични пазари во градот.
Вухан: Една година по избувнувањето на пандемијата

Танцување на улиците

За време на карантинот, на жителите не им беше дозволено ниту да ги напуштат своите домови. Сега, тие дури можат да танцуваат заедно во парковите. Според новинската агенција Ројтерс, таму веќе со месеци нема локално пренесување на вирусот.
Вухан: Една година по избувнувањето на пандемијата

Нулта точка на коронавирусот?

Зеленчук, риба и месо - дури и диви животни - сето тоа се продаваше на овој покриен пазар. Но, тој ги затвори портите на 1 јануари 2020 година, откако започна да се шири мистериозното заболување на белите дробови и неговото потекло беше пронајдено на пазарот. Научниците сè уште не ја утврдија точната улога на пазарот во ширењето на вирусот, ако воопшто имаше улога.
Вухан: Една година по избувнувањето на пандемијата

Егзистенцијата на рестораните е изложена на ризик

Пред пандемијата, Лаи Јун поголемиот дел од производите за неговиот јапонски ресторан ги купувал во покриениот пазар. „Ги испраќав децата на училиште, појадував, а потоа одев на пазар“, вели 38-годишникот. Од повторното отворање во јуни, тој морал да оди на друго место - а некои од состојките сега чинат петпати повеќе. „Наша цел за наредната година е едноставно да преживееме“, вели тој за ДВ.
Вухан: Една година по избувнувањето на пандемијата

Нема повеќе свежа стока

Иако пазарот на приземјето сè уште е затворен, вториот кат е повторно отворен. Но, поголемиот дел од продавниците продаваат очила и други специјализирани производи за оптичари. „Некои луѓе можеби имаат чудно чувство, но сега е само празна зграда“, вели за ДВ една од продавачките, која не сакаше да го каже своето име.
Вухан: Една година по избувнувањето на пандемијата

Продавачите се префлија на улиците

Од затворањето на пазарот, некои луѓе почнаа да продаваат месо и друга свежа стока на улиците. Дури и ако продавачите носат маски и ракавици, некои велат дека условите не се во согласност со одредени хигиенски стандарди. Во екот на пандемијата на коронавирусот покриениот пазар беше критикуван поради лошите здравствени и санитарни прописи.
Вухан: Една година по избувнувањето на пандемијата

Кловн без маска- заштитна

Повеќето жители на Вухан носат маски на јавни места, особено затоа што коронавирусот не е исчезнати имала одреден број нови случаи на други места во Кина. „Многу луѓе почнаа да складираат маски, средства за дезинфекција и друга заштитна опрема“, изјави за ДВ, 29-годишниот учител по англиски јазик Јен.

Автор: Ута Штајнвер

Се наведува дека разузнавачката заедница сѐ уште е поделена околу најверојатното потекло на вирусот. Четири агенции проценуваат дека е малку веројатно оти коронавирусот потекнува од заразено животно.

Една пак наведува рече дека постои „умерена веројатност“ дека патогенот протекол од лабораторија.

Во извештајот се наведува и дека кинеските власти не биле запоснати за постоењето на вирусот пред почетната епидемија во Вухан, на крајот на 2019 година, но се додава дека Кина продолжува да ја попречува глобалната истрага и да се спротивставува на размената на информации за потеклото на Сарс-Ков-2