Периодот на инкубација на новиот вирус, односно времето меѓу инфекцијата и појава на симптоми, обично трае од 2 до 14 дена, па од тоа се раководат и Светската здравствена организација, германскиот институт Роберт Кох и Министерството за здравство на Германија. Поради тоа, сомнителните случаи се изолираат во карантин на две недели.
Првите симптоми најчесто се појавуваат по три дена, откри водечкиот кинески епидемиолог Цонг Нан Шан, шеф на националниот тим на стручњаци за сузбивање на оваа белодробна болест. Неговиот тим испитал 1.099 случаи од 552 болници во Кина. Но, ова се прелиминарни резултати кои мора дополнително да се испитаат, изјави Цонг Нан Шан, кој во 2003 година го откри коронавирусот САРС.
Во ретки случаи, периодот на инкубација на новиот коронавирус може да биде и до 24 дена, покажа студијата објавена на 9 февруари 2020 година на медицинската истражувачка платформа medRxiv. Таму пишува: „Централната вредност на инкубацијата изнесуваше 3 дена (распон од 0 до 24 дена)“.
-
Алтернативни поздрави во време на пандемија
Ракување
Тоа е еден од најраспространетите поздрави во светото. Ќе излезе ли сега ракувањето од мода? Здравствените експерти препорачуваат да се избегнува за да се намали ризикот од зараза. Германскиот министер за внатрешни работи ја зема таа препорака сериозно па одби да се ракува со канцеларката Ангела Меркел. Двајцата потоа слатко се изнасмеаја.
-
Алтернативни поздрави во време на пандемија
Двоен бакнеж во образ
Француската влада ги советува своите граѓани да го избегнуваат традиционалниот бакнеж на двата образа. Но францускиот претседател Емануел Макрон во знак на поддршка го бакна италијанскиот премиер Џузепе Конте во Неапол неделава, давајќи до знаење дека не се плаши од коронавирусот.
-
Алтернативни поздрави во време на пандемија
Да пукне!
Тоа е гест кој беше популаризиран во бејзболот и кошарката во САД. Преку него се пренесуваат околу 50% помалку бактерии одошто со ракување, но сепак, тоа не го прави целосно безбеден.
-
Алтернативни поздрави во време на пандемија
Судир на тупаници
Најчесто користен во спортот, овој поздрав го популаризираше и поранешниот претседател на САД, Барак Обама, на сликата со шведската климатска активистка Грета Тунберг. Освен „кул“ факторот, тупаницата пренесува далеку помалку бактерии одошто ракувањето- над 90%.
-
Алтернативни поздрави во време на пандемија
Прегратки
Прегратката е уште еден начи на ширење микроби, но истражувањата покажуваат дека прегратката на саканиот може и да го зајакне имунолошкиот систем, а во некои случаи- и да ги подобри дипломатските односи. Прегратката меѓу претседателите на Јужна и Северна Кореја Мун Џае Ин и Ким Џонг Ун во 2018 предзивика различни реакции на двете страни на границата. Дотогаш тие само се ракуваа.
-
Алтернативни поздрави во време на пандемија
Тапкање по рамо
Австралиските власти на своите граѓани им го препорачуваат токму овој гест: „Време е Австралијанците засега само да се тапкаат по рамо- без ракување“, изјави еден министер. Иако со овој поздрав речиси и не се пренесуваат бактерии, сепак во некои култури тоа може да се смета и за навреда.
-
Алтернативни поздрави во време на пандемија
Мавтање
Кралицата Елизабета и принцот Филип често им мавтаат на своите поданици од балконот на Бакингемската палата. Гестот потекнува од традицијата од 18-век кога витезите се поздравувале со вадење шлемовите за да го откријат својот идентитет и да покажат дека доаѓаат во мир. Мавтањето е исто така и навредливо во некои земји.
-
Алтернативни поздрави во време на пандемија
Тупаница и дланка
Во Кина, каде започна појавата на Ковид-19, традиционалниот „гонг-шу“ поздрав се препорачува во актуелниот момент. Поздравот на фотографијата го демонстрира кинеската актерка Мија Мучи.
-
Алтернативни поздрави во време на пандемија
Таи ваи
Мал наклон со дланките споени една до друга во позиција како за молитва. Таи ваи поздравот е раширен во бројни земји на југоистокот на Азија- а уште е познат и како индиски „намасте“ или бурмански „мингалар пар“.
-
Алтернативни поздрави во време на пандемија
Јапонски наклон
Исто така безбеден, традиционалниот јапонски поздрав се уште се практикува во секојдневието. Учењето на елегантниот наклон е важен дел од општествениот статус. На фотографијата, вработени во еден трговски центар во Токио го вежбаат поздравот пред почетокот на новогодишната распродажба.
-
Алтернативни поздрави во време на пандемија
„Ногување“
Едно вирално видео од Кина неодамна ни покажа и нов начин на поздравување: „ногување“ или "footshake", кое некои го нарекуваат и „Вуханско ракување“. Триењето на валканите чевли, сепак е посигурно од ракувањето.
-
Алтернативни поздрави во време на пандемија
Насмевка
Веројатно најлесниот начин да поздравите некого без да ризикувате размена на бактерии или да го навредите е да го погледнете во очи, да се насмевнете и да кажете здраво.
Поединечни случаи или лоша контрола?
Неодамна сензација предизвика извештајот на владата на провинцијата Хубеи, епицентар на вирусот, со веста дека 70-годишен маж симптоми покажал дури 27 дена по инфекцијата. Меѓутоа, според германскиот експерт Кристијан Дростен од берлинската Универзитетска клиника Шарите, такви одделни случаи имаат само ограничена информативна вредност: „Чест извор на грешки во наводно долг временски период на инкубација е изложеност на вирусот во меѓувреме, која не била забележана.“ Дростен не гледа причина да се менуваат проценките поврзани со периодот на инкубација. Само под крајно контролирани услови може да се исклучи засегнатите да се повеќекратно едноподруго изложени на вирусот.
Различни организми реагираат со различна брзина
Според мислењето на Томас Пичман, молекуларен виролог во Центарот за експериментални и клинички истражувања на инфекции Твинкор во Хановер, не е изненадувачки што различни пациенти различно реагираат на патогени и што периодите на инкубација значително се разликуваат: „Вирусите имаат различни својства, поинаку се шират во телото на заразениот и истовремено го сузбиваат имунитетот. Симптомите се сигнал на телото дека го препознало вирусот. Процесот кој трае дотогаш може да се одвива различно долго“, изјави Пичман во интервју за Дојче веле.
-
Упатства: Како да се заштитите од коронавирус
Подобро од ништо
Не е докажано дека маските за лице можат ефикасно да ве заштитат од вирусни инфекции. Овие маски веројатно се во можност да фатат некои микроби пред да стигнат до устата или носот. Но уште поважно е тоа дека тие ги спречуваат луѓето да ги допираат устата или носот (што повеќето луѓе го прават инстинктивно). Ако веќе сте болни, таквите маски може да спречат да не заразувате други.
-
Упатства: Како да се заштитите од коронавирус
Дезинфицирајте ги рацете
Во својот список на препораки како да се заштитите од зарази, Светската здравствена организација не споменува маски за лице. На врвот е често миењето на рацете. СЗО препорачува дезинфекциско средство за рацете на база на алкохол, како на фотографијата, кои најчесто ги гледаме во болниците
-
Упатства: Како да се заштитите од коронавирус
И сапун и вода ќе завршат работа
Поедноставното секојдневно решение се водата и сапунот, ако ги имате при рака. Но, проверете дали темелно ги миете рацете...
-
Упатства: Како да се заштитите од коронавирус
Кашлање и кивање - но направете го тоа правилно!
Еве што препорачуваат лекарите: Кога кашлате и кивате, покријте ја устата и носот со вашиот подигнат лакот. Или користете книжни марамчиња - но потоа веднаш фрлете го марамчето и измијте ги рацете. А кошулата или џемперот? Не, нив не мора да ги фрлите. Но, перете ги често или однесете ги на хемиско чистење.
-
Упатства: Како да се заштитите од коронавирус
Стојте подалеку!
Друга препорака која можеби не функционира за сите: Избегнувајте близок контакт со секој кој има треска и кашлица! Ако треба да имате контакт со болни луѓе, погрижете се да преземете дополнителни заштитни мерки.
-
Упатства: Како да се заштитите од коронавирус
Имате треска? Одете на лекар, а не на патување!
Ако имате треска, кашлица и отежнато дишење, побарајте лекарска помош навреме. Избегнувајте јавни места за да не ги инфицирате другите. И, исто така, објаснете му на вашиот лекар каде претходно сте патувале.
-
Упатства: Како да се заштитите од коронавирус
Избегнувајте контакт!
При посета на сточни и зелени пазари во области во кои во моментот има случаи на новиот коронавирус, избегнувајте директен незаштитен контакт со живи животни. Тоа исто така вклучува какви било површини кои се во контакт со животни.
-
Упатства: Како да се заштитите од коронавирус
Добро термички обработено - не сурово!
Варете,печете и пржете го месото темелно. Потребно е да се избегне конзумирање на сурови, недоволно термички обработени производи од животинско потекло. Со суровото месо, млекото или животинските органи треба да се постапува внимателно за да се избегне инфицирање од термички необработена храна. Овие се добри практики за безбедност на храната и помагаат да се спречи ширењето на болести.
Полека станува појасно дека во одделни случаи постојат значително подолги периоди на инкубација, вели професор Јонас Шмит-Шаназит од Германскиот центар за истражување на инфекции, кој опфаќа 500 стручњаци ширум Германија. Но, голем дел од заразените покажува симптоми веќе по една недела, вели тој и додава:
„Сега учиме, ова досега беше непознат вирус, познат ни е од пред два месеци. А сега има се` повеќе пациенти и податоци. Постојат мал број случаи, тоа мора да се нагласи, кај кои периодот на инкубација може да биде и подолг, и до еден месец.“
Што значи значително подолг период на инкубација?
Ако периодот на инкубација на коронавирусот навистина е многу подолг од 14 дена, тоа би можело драстично да влијае на напорите за сузбивање на епидемијата. Зашто, карантинот од 14 дена не би бил доволен. На пример, кога кинеските работници се враќаат од двонеделн принуден одмор, тоа би можело да доведе до друг бран на инфекции.
Повеќе:
Ќе стигне ли вакцината против кроронавирусот навреме?
Коронавирусот „се крие“ и во тоалети и спални соби
Коронавирусот се шири низ Германија
Колкава е заканата од коронавирусот во Европа?
Јапонскиот министер за здравство Кацунобу Като затоа инсистираше од сите патници и членови на посадата на крузерот „Дајамонд Принцес“ по двонеделниот карантин на бродот да останат дома уште две недели. Зашто, кај двајца Австријци вирусот бил пронајден по симнувањето од бродот, иако тестовите извршени кај нив на крузерот биле негативни.
Начините на инфекција не се јасни
Покрај индициите за подолг период на инкубација, Светската здравствена организација е загрижена и поради често неразбирливите патишта за инфицирање и инфекции кај кои не постои јасна епидемиолошка врска, изјави на Твитер генералниот директор на СЗО, Тедрос Аданом Гебрејезус кон крајот на февруари. Тој вели дека многумина се инфицирани иако не биле во Кина, ниту биле во контакт со лица кај кои е потврдена инфекција со коронаворусот, за кој се користи називот САРС-КоВ-2 или Ковид-19. Со тоа се поттикнува веќе раширената препоставка - дека луѓето кои имаат слаби или никакви симптоми можат и натаму да го шират коронавирусот.
