Грците протестираат, Ципрас е оптимист | Економија | DW | 18.05.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Грците протестираат, Ципрас е оптимист

Со усвојување нови ригорозни мерки за штедење, грчкиот премиер Алексис Ципрас се надева на нова транша од програмата за финансиска помош. Грците пак се уморни од штедење, реагираат со штрајкови и протести.

Грчкиот парламент денеска би требало да ја одобри новата рунда мерки за штедење, што според очекувањата, ќе влијае на исплатата на новите транши помош за Атина и ублажувањето на нивниот долг. Левичарскиот премиер Алексис Ципрас има тесно мнозинство во парламентот за усвојување на законот со кој се предвидени резови од 4,9 милијарди евра во периодот од 2018 до 2021 година. Ципрас го прифати усвојувањето на уште една рунда намалување на пензиите од 18 проценти, како и пониски даночни олеснувања за да се одблокира исплатата на новата транша од кредитот. Грчкиот премиер Ципрас изрази оптимизам дека Парламентот ќе ја усвои новата рунда мерки за штедење и ќе се отвори патот за Грција да се врати на пазарот на капитал. Гласањето се очекува во доцните вечерни часови. Пред парламентот и денеска демонстрираат пензионери и незадоволни граѓани.Бродските превозници го продолжуваат штрајкот трет ден по ред.

Најмалку 18.000 демонстранти вчера протестираа на улиците на Атина и Солун против новите мерки за штедење, а земјата беше речиси парализирана од генералниот штрајк на кој повикаа синдикатите. 

Гледај видео 01:32

Парламентот заседава, Грците протестираат

 

DW.COM

Аудио и видео прилози на оваа тема

Реклама